Մահ հոգեվոր

Հեռացում Աստծուց և նրա ազդեցությունից. մահանալ արդարությանը վերաբերող բաների նկատմամբ: Լյուցիֆերը և երկնային զորքերի մեկ երրորդ մասը հոգևոր մահ ապրեցին, երբ նրանք դուրս գցվեցին երկնքից (ՎևՈՒ 29.36–37):

Հոգևոր մահն աշխարհ մտավ Ադամի անկման միջոցով (Մովսես 6.48): Չար մտքերով, խոսքերով և գործերով մահկանացու մարդիկ հոգով մահացած են, չնայած որ ֆիզիկապես ապրում են երկրի վրա (Ա Տիմ. Ե.6): Հիսուս Քրիստոսի քավության և ավետարանի սկզբունքներին ու արարողություններին հնազանդվելու միջոցով, տղամարդիկ և կանայք կարող են մաքրվել մեղքերից և հաղթահարել հոգևոր մահը:

Հոգևոր մահը լինում է նաև մահկանացու մահից հետո: Թե՛ հարություն առած էակները, թե՛ դևն ու նրա հրեշտակները պիտի դատվեն: Նրանք, ովքեր գիտակցաբար ապստամբել են ավետարանի լույսի և ճշմարտության դեմ, հոգևոր մահ կապրեն: Այդ մահը հաճախ անվանվում է երկրորդ մահ (Ալմա 12.16; Հել. 14.16–19; ՎևՈՒ 76.36–38):

Մարմնական մտածողությամբ լինելը մահ է, Հռովմ. Ը.6 (2 Նեփի 9.39).
Ցանկությունները մարդկանց ընկղմում են կործանման և կորստի մեջ, Ա Տիմ. Զ.9.
Մեղքը մահ է ծնում, Հակ. Ա.15.
Ով որ հաղթում է, երկրորդ մահից չի վնասվի, Հայտ. Բ.11.
Նման մարդկանց վրա երկրորդ մահը զորություն չունի, Հայտ. Ի.6, 12–14.
Ամբարիշտների բաժինը կլինի այն լճում, որը կրակով և ծծմբով վառվում է. որը երկրորդ մահն է, Հայտ. ԻԱ.8 (ՎևՈՒ 63.17–18).

Մարդիկ ազատ են՝ ընտրելու ազատություն և հավերժական կյանք կամ ընտրելու գերություն և մահ, 2 Նեփի 2.27 (2 Նեփի 10.23; Ալմա 29.5; Հել. 14.30–31).
Աստված մեզ համար ուղի է պատրաստել, որ խուսափենք մահից ու դժոխքից, 2 Նեփի 9.10.
Ազատեք ձեզ դժոխքի ցավերից, որպեսզի չճաշակեք երկրորդ մահը, Հակոբ 3.11.
Բնական մարդը թշնամի է Աստծուն, Մոսիա 3.19.
Թող որ Տերը շնորհի ձեզ ապաշխարություն, որպեսզի դուք չտանեք երկրորդ մահը, Ալմա 13.30.
Ալման օղակված էր մահվան հավիտենական շղթաներով, Ալմա 36.18.
Ամբարիշտները մահանում են արդարությանը վերաբերող բաների նկատմամբ, Ալմա 40.26 (Ալմա 12.16).
Անկումը մի հոգևոր մահ էր բերել ողջ մարդկության վրա, Ալմա 42.9 (Հել. 14.16–18).