Perlas nga Labing Bililhon

Ang gingharian sa Dios dinhi sa yuta gitandi ngadto sa usa ka “perlas nga labing bililhon” (Mat. 13:45–46).

Ang Perlas nga Labing Bililhon mao usab ang ngalan nga gihatag ngadto sa usa sa upat ka mga bolumen sa kasulatan nga gitawag og “sumbanan nga mga kasulatan” sa Ang Simbahan ni Jesukristo sa mga Santos sa Ulahing mga Adlaw. Ang unang edisyon sa Perlas nga Labing Bililhon gimantala sa 1851 ug naglakip sa pipila ka mga materyal nga karon ania sa Doktrina ug mga Pakigsaad. Mga edisyon gimantala sukad niadtong tuig 1902 naglakip sa (1) mga kinutlo gikan sa paghubad ni Joseph Smith sa Genesis, gitawag og basahon ni Moises, ug ni Mateo 24, nga gitawag og Joseph Smith—Mateo; (2) paghubad ni Joseph Smith gikan sa Ehiptohanon nga papyrus nga iyang nakuha sa tuig 1835, nga gitawag og basahon ni Abraham; (3) usa ka kinutlo gikan sa kasaysayan ni Joseph Smith sa Simbahan nga iyang gisulat sa tuig 1838, nga gitawag og Joseph Smith—Kasaysayan; ug (4) ang Mga Artikulo sa Hugot nga Pagtuo, napulog tulo ka mga pahayag sa pagtuo ug doktrina.