Mga Tabang sa Pagtuon
Jehova


Jehova

Ang pakigsaad o ang tukma nga ngalan sa Dios sa Israel. Kini nagpasabut “ang mahangturon nga AKO MAO” (Ex. 3:14; Juan 8:58). Si Jehova mao si Jesukristo sa wala pa dinhi sa yuta ug mianhi sa yuta ingon nga usa ka anak nga lalaki ni Maria (Mosiah 3:8; 15:1; 3 Ne. 15:1–5). Sa kasagaran, kon ang pulong nga Ginoo mogula diha sa Daang Tugon, kini nagpasabut nga Jehova.

Jehova mao si Kristo

Si Jehova nabantug sa karaan nga mga propeta (Ex. 6:3; Abr. 1:16). Ang Apostol Pablo mitudlo nga si Kristo mao ang Jehova sa Daang Tugon (Ex. 17:6; 1 Cor. 10:1–4). Ang igsoon nga lalaki ni Jared diha sa Basahon ni Mormon nakakita ni Kristo sa wala pa dinhi sa yuta ug misimba kaniya (Ether 3:13–15). Si Moroni usab mitawag kang Kristo nga Jehova (Moro. 10:34). Didto sa Templo sa Kirtland, si Joseph Smith ug Oliver Cowdery nakakita sa nabanhaw nga Jehova (D&P 110:3–4).