Mga Tabang sa Pagtuon
Dan


Dan

Diha sa Daang Tugon, usa ka anak nga lalaki ni Jacob ug Bilha, kang Raquel nga sulugoon nga babaye (Gen. 30:5–6).

Ang tribo ni Dan

Alang sa panalangin ni Jacob ngadto kang Dan, tan-awa Gen. 49:16–18. Alang sa panalangin ni Moises ngadto sa tribo ni Dan, tan-awa sa Deuteronomio 33:22. Human sila mopuyo sa Canaan, ang tribo ni Dan nakadawat og gamay apan hilabihan ka tambok nga bahin sa yuta (Jos. 19:40–48). Sila dihay ubay-ubay nga kalisud sa pagpanalipod niini batok sa mga Amorite (Mag. 1:34) ug batok sa mga Filistehanon (Mag. 13:2, 25; 18:1). Agi og sangputanan, ang mga Danite mibalhin sa amihanan sa Palestina (Mag. 18), libut sa Laish, ug gihinganlan pag-usab kana nga dakbayan og Dan. Kini nga lungsod gibantug kaayo nga mao ang utlanan sa amihanan nga Palestina, nga milahos “gikan sa Dan gani ngadto sa Beersheba.”