Sa pagsugod sa Kaliboan nga Panahon, si Kristo mobalik sa yuta. Kini nga hitabo motimaan sa katapusan sa mortal nga kahimtang niini nga yuta. Ang mga dautan pagahinginlan gikan sa yuta ug ang mga matarung pagabayawon sa itaas diha sa usa ka panganod samtang ang yuta pagalimpyohan. Samtang walay tawo nga masayud sa tukma kanus-a si Kristo moanhi sa ikaduhang higayon, siya naghatag kanato og mga timailhan nga bantayan kay kana nagpaila nga ang panahon nagkaduol na. (Mat. 24 ; JS—M 1 ).
Ang Anak sa Tawo moanhi diha sa himaya sa iyang Amahan, Mat. 16:27 (Mat. 25:31 ).
Niana nga adlaw ug takna walay tawo nga nasayud, apan ang akong Amahan lamang, Mat. 24:36 (D&P 49:7 ; JS—M 1:38–48 ).
Kining mao nga Jesus moanhi sa sama nga paagi nga kamo nakakita nga misaka paingon sa langit, Buh. 1:11 .
Ang Ginoo sa iyang kaugalingon manaog gikan sa langit, 1Â Tes. 4:16 .
Ang adlaw sa Ginoo moabut ingon sa usa ka kawatan diha sa kagabhion, 2Â Ped. 3:10 .
Ang Ginoo moanhi uban sa iyang napulo ka libo sa iyang mga santos, Jud. 1:14 .
Siya moanhi uban sa mga panganod; ug matag mata makakita kaniya, Pin. 1:7 .
Pangandam kamo, pangandam kamo, kay ang Ginoo hapit na moabut, D&P 1:12 .
Ako mopadayag sa akong kaugalingon gikan sa langit uban sa gahum, ug mopuyo dinhi sa yuta sa kaliboan ka mga tuig, D&P 29:9–12 .
Ipataas ang inyong tingog ug isangyaw ang paghinulsol, mag-andam sa agianan sa Ginoo alang sa iyang ikaduhang pag-anhi, D&P 34:5–12 .
Ako mao si Jesukristo ug Ako sa kalit moabut diha sa akong templo, D&P 36:8 (D&P 133:2 ).
Ang adlaw sa dili madugay moabut nga ikaw makakita kanako ug masayud nga Ako mao, D&P 38:8 .
Siya nga mahadlok kanako mangita og mga timailhan sa pag-anhi sa Anak sa Tawo, D&P 45:39 .
Ang nawong sa Ginoo ipakita, D&P 88:95 .
Ang mahinungdanon ug makalilisang nga adlaw sa Ginoo duol na, D&P 110:16 .
Sa panahon nga ang Manluluwas mopakita kita makakita kaniya nga siya ingon, D&P 130:1 .
Ang Manluluwas mobarug sa taliwala sa iyang mga katawhan ug mohari, D&P 133:25 .
Kinsa kini nga nanaog gikan sa Dios sa langit uban sa gitina nga mga saput, D&P 133:46 (Isa. 63:1 ).