Enos, Anak nga Lalaki ni Jacob
Usa ka propeta nga Nephite ug tigtipig sa talaan diha sa Basahon ni Mormon kinsa nag-ampo alang sa ug nakadawat og usa ka kapasayloan sa iyang mga sala pinaagi sa iyang hugot nga pagtuo diha ni Kristo (Enos 1:1–8). Ang Ginoo mipakigsaad uban kang Enos sa pagdala sa Basahon ni Mormon ngadto sa mga Lamanite (Enos 1:15–17).
Ang basahon ni Enos
Usa ka basahon diha sa Basahon ni Mormon nga naghisgot sa pag-ampo ni Enos ngadto sa Ginoo alang sa kaugalingon nga kapasayloan, alang sa iyang mga katawhan, ug alang sa uban. Ang Ginoo misaad kaniya nga ang Basahon ni Mormon pagatipigan ug mahimo nga magamit sa mga Lamanite sa umaabut nga adlaw. Bisan ang basahon naglakip lamang og usa ka kapitulo, kini nagtala sa gamhanan nga sugilanon sa usa ka tawo kinsa nangita sa iyang Dios diha sa pag-ampo, nagpuyo nga masulundon sa mga sugo sa Dios, ug sa wala pa ang iyang kamatayon nagmaya diha sa kasayuran sa iyang Manunubos.