Mga Tabang sa Pagtuon
Hosanna


Hosanna

Usa ka pulong gikan sa Hebreo nga nagpasabut “palihug luwasa kami” ug gigamit sa pagdayeg ug pangalyupo.

Diha sa Kasaulogan sa mga Tabernakulo, nga nagsaulog sa pagluwas sa Ginoo sa Israel ngadto sa yuta sa saad, ang mga katawhan misinggit sa mga pulong sa Mga Salmo 118 ug mipakaway-kaway sa mga lukay. Diha sa madaugon nga pagsulod sa Ginoo ngadto sa Jerusalem, ang pundok sa mga katawhan misinggit “Hosanna” ug mibukhad sa mga lukay alang kang Jesus nga kaagian, sa ingon nagpakita sa ilang pagsabut nga si Jesus mao ang sama nga Ginoo kinsa nagluwas sa Israel sa karaan (Sal. 118:25–26; Mat. 21:9, 15; Mar. 11:9–10; Juan 12:13). Kini nga mga katawhan nag-ila ni Kristo ingon nga ang dugay na nga gipaabut nga Mesiyas. Ang pulong nga Hosanna nahimo nga usa ka kasaulogan sa Mesiyas sa tanan nga mga katuigan (1 Ne. 11:6; 3 Ne. 11:14–17). Ang singgit nga hosanna giapil sa pagpahinungod sa Templo sa Kirtland (D&P 109:79) ug karon usa ka bahin sa pagpahinungod sa bag-o nga mga templo.