Mga Tabang sa Pagtuon
Manalagna


Manalagna

Ang usa ka tawo nga gihatagan og katungod sa Dios sa pagtan-aw uban sa espirituhanon nga mga mata sa mga butang nga gitago sa Dios gikan sa kalibutan (Moises 6:35–38). Siya usa ka tigpadayag ug usa ka propeta (Mosiah 8:13–16). Diha sa Basahon ni Mormon, si Ammon mitudlo nga ang manalagna lamang mao ang makagamit sa talagsaon nga mga maghuhubad, o ang Urim ug Thummim (Mosiah 8:13; 28:16). Ang usa ka manalagna nasayud sa nangagi, karon, ug sa umaabut. Sa karaan, ang usa ka propeta sa kanunay gitawag nga usa ka manalagna (1 Sam. 9:9; 2 Sam. 24:11).

Si Joseph Smith usa ka bantugan nga manalagna sa ulahing mga adlaw (D&P 21:1; 135:3). Agi og dugang, ang Unang Kapangulohan ug ang Konseho sa Napulog Duha giuyunan nga mga propeta, mga manalagna, ug mga tigpadayag.