Ang ikatulo nga sakop sa Diosnong Kapangulohan (1Â Juan 5:7 ; D&P 20:28 ). Siya usa ka personahe sa Espiritu, nga walay lawas nga unod ug mga bukog (D&P 130:22 ). Ang Espiritu Santo sa kasagaran gipasabut ingon nga ang Espiritu, o ang Espiritu sa Dios.
Ang Espiritu Santo naghimo og daghan nga mga mahinungdanon nga tahas diha sa laraw sa kaluwasan. (1) Siya ang nagpamatuod sa Amahan ug sa Anak (1 Cor. 12:3 ; 3 Ne. 28:11 ; Ether 12:41 ). (2) Siya ang nagpadayag sa kamatuoran sa tanan nga mga butang (Juan 14:26 ; 16:13 ; Moro. 10:5 ; D&P 39:6 ). (3) Siya nagsantos niadto nga naghinulsol ug nabunyagan (Juan 3:5 ; 3 Ne. 27:20 ; Moises 6:64–68 ). (4) Siya ang Espiritu Santo sa Saad (D&P 76:50–53 ; 132:7, 18–19, 26 ).
Ang gahum sa Espiritu Santo modangat diha sa usa ka tawo sa wala pa ang bunyag, ug mosaksi nga ang ebanghelyo tinuod. Apan ang katungod sa pag-angkon sa kanunay nga panag-uban sa Espiritu Santo, kon ang usa takus, mao ang usa ka gasa nga madawat lamang pinaagi sa pagpandong sa mga kamot sa usa nga naghupot sa Melchizedek nga Pagkapari human sa gitugyan nga pagtugot sa bunyag ngadto sa tinuod nga Simbahan ni Jesukristo.
Si Jesus mitudlo nga ang tanan nga mga sala mahimo nga mapasaylo gawas sa pagpanamastamas batok sa Espiritu Santo (Mat. 12:31–32 ; Mar. 3:28–29 ; Luc. 12:10 ; Heb. 6:4–8 ; D&P 76:34–35 ).
Ang mga apostoles gitugyanan sa pagbunyag diha sa ngalan sa Amahan, sa Anak, ug sa Espiritu Santo, Mat. 28:19 .
Ang Espiritu Santo motudlo kaninyo sa tanan nga mga butang, Juan 14:26 .
Balaan nga mga tawo mosulti sumala sa pagdasig pinaagi sa Espiritu Santo, 2Â Ped. 1:21 .
Si Nephi gigiyahan pinaagi sa Espiritu, 1Â Ne. 4:6 .
Ang mga misteryo sa Dios pagabuksan ngadto kanila pinaagi sa gahum sa Espiritu Santo, 1 Ne. 10:17–19 .
Ang Espiritu Santo mopakita sa tanan nga mga butang nga kinahanglan inyong buhaton, 2Â Ne. 32:5 .
Pinaagi sa gahum sa Espiritu Santo kamo mahimo nga masayud sa kamatuoran sa tanan nga mga butang, Moro. 10:5 .
Ang Espiritu Santo mosulti kaninyo diha sa inyong hunahuna ug diha sa inyong kasingkasing, D&P 8:2 .
Ang Espiritu mogiya sa pagbuhat og maayo, D&P 11:12 .
Ang Espiritu Santo nasayud sa tanan nga mga butang, D&P 35:19 .
Ang Espiritu Santo motudlo sa malinawon nga mga butang sa gingharian, D&P 36:2 (D&P 39:6 ).
Kon kamo dili makadawat sa Espiritu, kamo dili motudlo, D&P 42:14 .
Ang Espiritu Santo nagmatuod sa Amahan ug sa Anak, D&P 42:17 (1 Cor. 12:3 ; 3 Ne. 11:32, 35–36 ).
Ngadto sa uban kini ihatag pinaagi sa Espiritu Santo aron masayud nga si Jesukristo mao ang Anak sa Dios, D&P 46:13 .
Bisan unsa ang ilang ipamulong kon dasigon pinaagi sa Espiritu Santo mahimo nga kasulatan, D&P 68:4 .
Ang Espiritu Santo ibu-bu ngadto sa pagmatuod sa tanan nga mga butang nga kamo mosulti, D&P 100:8 .
Ang Espiritu Santo mao ang inyong kanunay nga kauban, D&P 121:45–46 .