Kinabig, Pagkakabig

Ang pag-usab sa usa ka tawo sa mga tinuohan, kasingkasing, ug kinabuhi aron sa pagdawat ug pag-uyon sa kabubut-on sa Dios (Buh. 3:19).

Ang pagkabig naglakip og usa ka tinuyoan sa buot nga paghukom aron mobiya sa daan nga mga kinaiya ug mag-usab aron mahimo nga usa ka tinun-an ni Kristo. Paghinulsol, bunyag alang sa kapasayloan sa mga sala, ang pagdawat sa Espiritu Santo pinaagi sa pagpandong sa mga kamot, ug makanunayon nga hugot nga pagtuo diha sa Ginoong Jesukristo makahimo sa pagkabig nga hingpit. Ang usa ka natural nga tawo mausab ngadto sa usa ka bag-o nga tawo kinsa balaan ug putli, natawo pag-usab diha kang Kristo Jesus (Tan-awa 2 Cor. 5:17; Mosiah 3:19).

Si Enos nakabig, Enos 1:2–5.
Kang Hari Benjamin nga mga pulong nakahimo og usa ka dako nga kausaban diha sa mga katawhan, Mosiah 5:2 (Alma 5:12–14).
Ang tanan nga katawhan kinahanglan matawo pag-usab, oo, matawo sa Dios, Mosiah 27:25.
Si Alma ug ang mga anak nga lalaki ni Mosiah nakabig, Mosiah 27:33–35.
Ang amahan ni Lamoni nakabig, Alma 22:15–18.
Pinaagi sa gahum ug pulong sa Dios, sila nakabig ngadto sa Ginoo, Alma 53:10.
Ang paghinulsol nagdala og usa ka kausaban sa kasingkasing, Hel. 15:7.
Kutob sa nakabig sa tinuod nagpakita nga sila giduaw pinaagi sa gahum ug Espiritu sa Dios, 3 Ne. 7:21.
Tungod sa ilang hugot nga pagtuo diha ni Kristo sa panahon sa ilang pagkakabig, sila gibunyagan uban sa kalayo ug uban sa Espiritu Santo, 3 Ne. 9:20.