Mga Tabang sa Pagtuon
Limpyo ug Dili Limpyo


Limpyo ug Dili Limpyo

Diha sa Daang Tugon, ang Ginoo mipadayag ngadto ni Moises ug sa mga Israelite sa karaan nga adunay mga pagkaon nga giisip nga limpyo, o sa lain nga pagkasulti, angay nga kan-on. Ang kalainan nga nakuha sa mga Israelite taliwala sa limpyo ug dili limpyo nga mga pagkaon adunay dako nga sangputanan diha sa ilang relihiyon ug katilingbanon nga kinabuhi. Pipila ka mga hayop, mga langgam, ug isda giisip nga limpyo ug mahimo nga kan-on, samtang ang uban dili limpyo ug gidili (Lev. 11; Deut. 14:3–20). Uban nga masakiton nga mga tawo giisip usab nga dili limpyo.

Diha sa usa ka espirituhanon nga pagsabut, ang pagkalimpyo mao ang paglikay gikan sa sala ug sa makasasala nga mga tinguha. Niini nga pagsabut ang pulong mao ang gigamit sa paghulagway sa usa ka tawo kinsa maligdong ug adunay putli nga kasingkasing (Sal. 24:4). Ang mga katawhan sa pakigsaad sa Dios sa kanunay adunay linain nga mga panudlo aron malimpyo (3 Ne. 20:41; D&P 38:42; 133:5).