Miguel Tan-awa usab Adan; Arkanghel Ang ngalan diin si Adan nailhan didto sa kinabuhi nga wala pa dinhi sa yuta. Siya gitawag og ang Arkanghel. Sa Hebreohanon ang ngalan nagpasabut nga “Kinsa sama sa Dios.” Si Miguel, usa sa labaw nga mga prinsipe, miabut aron sa pagtabang ni Daniel, Dan. 10:13, 21 (D&P 78:16). Sa katapusan nga mga adlaw si Miguel mobarug, ang bantugan nga prinsipe, Dan. 12:1. Si Miguel ang arkanghel nakig-away sa yawa, Jud. 1:9. Si Miguel ug ang iyang mga anghel nakig-away batok sa dragon, Pin. 12:7 (Dan. 7). Si Miguel mao si Adan, D&P 27:11 (D&P 107:53–57; 128:21). Si Miguel, ang arkanghel sa Ginoo, mopatingog sa iyang trumpeta, D&P 29:26. Si Miguel mopundok sa iyang mga kasundalohan ug makig-away kang Satanas, D&P 88:112–115. Ang tingog ni Miguel nadungog nga nakabantay sa yawa, D&P 128:20.