Kasulatan, Mga

Mga pulong, gisulat ug gipamulong, sa balaan nga mga tawo sa Dios kon gidasig pinaagi sa Espiritu Santo. Ang opisyal nga kanon sa mga kasulatan sa Simbahan karong adlawa naglakip sa Biblia, Basahon ni Mormon, Doktrina ug mga Pakigsaad, ug Perlas nga Labing Bililhon. Si Jesus ug ang mga tigsulat sa Bag-ong Tugon nag-isip sa mga basahon sa Daang Tugon ingon nga kasulatan (Mat. 22:29; Juan 5:39; 2 Tim. 3:15; 2 Ped. 1:20–21).

Mga tawo masayop diha sa pagtuis sa mga kasulatan ug wala makasabut niini, D&P 10:63.
Kini nga mga pulong dili sa mga tawo ni sa tawo, apan gikan kanako, D&P 18:34–36.
Ang pagtungha sa Basahon ni Mormon nagmatuod ngadto sa kalibutan nga ang mga kasulatan tinuod, D&P 20:2, 8–12.
Himoa nga ang inyong panahon ihalad sa pagtuon sa mga kasulatan, D&P 26:1.
Ang mga kasulatan gihatag alang sa panudlo sa mga Santos, D&P 33:16.
Ang mga kasulatan gihatag alang sa kaluwasan sa mga pinili, D&P 35:20.
Itudlo ang mga baruganan sa akong ebanghelyo, nga anaa sa Biblia ug sa Basahon ni Mormon, D&P 42:12.
Ang akong mga balaod mahitungod niini nga mga butang gihatag diha sa akong mga kasulatan, D&P 42:28.
Bisan unsa ang gipamulong ubos sa pagdasig sa Espiritu Santo usa ka kasulatan, D&P 68:4.

Nawala nga mga Kasulatan

Daghan nga balaan nga mga sinulat nga gihisgutan diha sa mga kasulatan nga wala kanato karong adlawa, uban diin mao kini nga mga basahon ug mga tigsulat: ang pakigsaad (Ex. 24:7), ang mga gubat sa Ginoo (Num. 21:14), Jasher (Jos. 10:13; 2 Sam. 1:18), ang mga buhat ni Solomon (1 Hari 11:41), si Samuel ang manalagna (1 Cron. 29:29), si Nathan ang propeta (2 Cron. 9:29), Semaias ang propeta (2 Cron. 12:15), si Iddo ang propeta (2 Cron. 13:22), Jehu (2 Cron. 20:34), ang mga pinulongan sa mga manalagna (2 Cron. 33:19), si Enoch (Jud. 1:14), ug ang mga pulong ni Zenock, Neum, ug Zenos (1 Ne. 19:10), Zenos (Jacob 5:1), Zenock ug Ezias (Hel. 8:20), ug usa ka basahon sa handumanan (Moises 6:5); ug ang mga epistola ngadto sa mga taga-Corinto (1 Cor. 5:9), ngadto sa mga taga-Efeso (Efe. 3:3), ug gikan sa Laodicea (Col. 4:16).

Mga Kasulatan nga Pagatipigan

Ang bili sa mga kasulatan

Ako mipahisama sa tanan nga mga kasulatan ngari kanato, nga kini unta mahimo alang sa atong kaayohan ug sa atong pagkat-on, 1 Ne. 19:23.
Ang akong kalag nalipay diha sa mga kasulatan, 2 Ne. 4:15–16.
Kita magkugi sa pagsulat, aron sa pagdasig sa atong mga anak, ug usab sa atong mga kaigsoonan, sa pagtuo diha ni Kristo, 2 Ne. 25:23.
Sila nagsiksik sa mga kasulatan, ug wala na magpatalinghug ngadto sa pulong niining dautan nga tawo, Jacob 7:23 (Alma 14:1).
Kon dili pa tungod niini nga mga palid, kita unta nag-antus diha sa pagkawalay alamag, Mosiah 1:2–7.
Sila misiksik sa mga kasulatan diha sa kakugi, nga sila unta masayud sa pulong sa Dios, Alma 17:2–3.
Ang mga kasulatan gitipigan aron sa pagdala sa mga kalag ngadto sa kaluwasan, Alma 37:1–19 (2 Ne. 3:15).
Ang pulong sa Dios mogiya sa tawo ni Kristo, Hel. 3:29.