Balaan Tan-awa usab Kaputli, Putli; Pagbalaan; Pagkabalaan Sagrado, nagbaton og usa ka diosnon nga kinaiya, o espirituhanon ug kadungganan nga kaputli. Ang kaatbang sa balaan mao ang kalibutanon o malaw-ay. Kamo mahimo ngari kanako nga usa ka gingharian sa mga pari, ug usa ka balaan nga nasud, Ex. 19:5–6 (1 Ped. 2:9). Ang Ginoo misugo sa Israel: Pagbalaan, kay Ako balaan, Lev. 11:44–45. Kadto nga adunay malinis nga mga kamot ug usa ka putli nga kasingkasing mobarug diha sa iyang balaan nga dapit, Sal. 24:3–4. Tudloi ang akong mga katawhan sa kalainan tali sa balaan ug sa malaw-ay, Ezeq. 44:23. Ang Dios nagtawag kanato uban sa usa ka balaan nga tawag, 2 Tim. 1:8–9. Sukad sa pagkabata kamo nasayud sa mga balaan nga kasulatan, 2 Tim. 3:15. Balaan nga mga tawo sa Dios mosulti sumala sa pagdasig pinaagi sa Espiritu Santo, 2 Ped. 1:21. Tanan nga mga tawo pagahukman pinasubay sa kamatuoran ug pagkabalaan nga anaa sa Dios, 2 Ne. 2:10. Ang kinaiyanhon nga tawo mahimo nga usa ka Santos pinaagi sa pag-ula ni Kristo, Mosiah 3:19. Lakaw sunod sa balaan nga kapunongan sa Dios, Alma 7:22 (Alma 13:11–12). Tulo ka mga tinun-an gisantos diha sa unod ug nahimo nga balaan, 3 Ne. 28:1–9, 36–39. Ayaw pagbugal-bugal sa mga sagrado nga mga butang, D&P 6:12. Ikaw dili makasulat niana nga sagrado gawas kon kini ihatag kanimo gikan kanako, D&P 9:9. Kamo mobugkos sa inyong mga kaugalingon sa pagbuhat diha sa tanan nga pagkabalaan, D&P 43:9. Ang akong mga tinun-an mobarug diha sa balaan nga mga dapit, D&P 45:32. Kana nga nagagikan sa kahitas-an sagrado, D&P 63:64. Gagmay nga mga bata mga balaan, D&P 74:7. Ipahinungod kana nga lunâ ug kini mahimo nga balaan, D&P 124:44. Ang Ginoo motigum sa iyang pinili ngadto sa usa ka balaan nga dakbayan, Moises 7:62.