Masakiton, Sakit Ang pagkaadunay usa ka sakit o balatian. Diha sa mga kasulatan, ang lawasnon nga sakit usahay nagpaila ingon nga usa ka simbolo alang sa usa ka kulang sa espirituhanon nga pagkatawo (Isa. 1:4–7; 33:24). Ako nakadungog sa imong pag-ampo, Ako nakakita sa imong mga luha: Tan-awa, Ako moayo kanimo, 2 Hari 20:1–5 (2 Cron. 32:24; Isa. 38:1–5). Si Jesus milibut nag-ayo sa tanan nga matang sa sakit ug sa tanan nga matang sa balatian, Mat. 4:23–24 (1 Ne. 11:31; Mosiah 3:5–6). Sila nga walay sakit wala magkinahanglan og usa ka mananambal, apan sila nga mga masakiton, Mat. 9:10–13 (Mar. 2:14–17; Luc. 5:27–32). Aduna bay masakiton taliwala kaninyo? patawga siya sa mga anciano, San. 5:14–15. Si Kristo modala diha kaniya sa mga sakit ug mga balatian sa iyang mga katawhan, Alma 7:10–12. Si Jesus miayo sa tanan nga masakiton diha sa mga Nephite, 3 Ne. 26:15. Alimahi ang masakiton uban ang pagkamalumo, mga hilba, ug pagkaon nga dili gahi, D&P 42:43 (Alma 46:40). Hinumdumi diha sa tanan nga mga butang ang masakiton ug ang gisakit, D&P 52:40. Ipandong ang inyong mga kamot diha sa masakiton, ug sila mamaayo, D&P 66:9.