Maria Magdalena Usa ka babaye diha sa Bag-ong Tugon kinsa nahimo nga maunungon kaayo nga tinun-an ni Jesukristo. Ang Magdalena nagpasabut nga Magdala, ang dapit diin kini nga Maria nagagikan. Kini nahimutang sa kasadpan nga dapit sa baybayon sa Dagat sa Galilea. Siya diha duol sa krus, Mat. 27:56 (Mar. 15:40; Juan 19:25). Siya diha sa paglubong ni Kristo, Mat. 27:61 (Mar. 15:47). Siya diha sa lubnganan sa pagkabuntag sa pagkabanhaw, Mat. 28:1 (Mar. 16:1; Luc. 24:10; Juan 20:1, 11). Si Jesus nagpakita og una ngadto kaniya human sa iyang pagkabanhaw, Mar. 16:9 (Juan 20:14–18). Pito ka mga yawa ang migawas gikan kaniya, Luc. 8:2.