Sala nga Dili Mapasaylo Tan-awa usab Anak sa Kapildihan, Mga; Espiritu Santo; Pagbuno; Pagpanamastamas, Panamastamas Ang sala sa paglimud sa Espiritu Santo, usa ka sala nga dili mapasaylo. Ang pagpanamastamas batok sa Espiritu Santo dili mapasaylo ngadto sa mga tawo, Mat. 12:31–32 (Mar. 3:29; Luc. 12:10). Malisud alang niadto nga gihimo nga tig-ambit sa Espiritu Santo sa pagbag-o kanila ngadto sa paghinulsol, Heb. 6:4–6. Kon kita makasala nga tinuyo sa buot human kita makadawat sa kasayuran sa kamatuoran, walay magpabilin nga sakripisyo alang sa mga sala, Heb. 10:26. Kon kamo molimud sa Espiritu Santo ug nasayud nga kamo milimud niini, kini usa ka sala diin dili mapasaylo, Alma 39:5–6 (Jacob 7:19). Sila walay kapasayloan, nga naglimud sa Bugtong Anak, nga naglansang kaniya ngadto sa ilang mga kaugalingon, D&P 76:30–35. Ang pagpanamastamas batok sa Espiritu Santo dili mapasaylo, diin mao ang pagpaagas sa dugo sa walay sala human kamo makadawat sa akong bag-o ug walay katapusan nga pakigsaad, D&P 132:26–27.