Lawom nga debosyon ug pagbati. Gugma alang sa Dios naglakip sa debosyon, paghalad, balaan nga pagtahud, pagkamalumo, kalooy, pasaylo, kapuangod, grasya, pag-alagad, pagkamapasalamaton, pagkamabination. Ang labing mahinungdanon nga panig- ingnan sa gugma sa Dios alang sa iyang mga anak makita diha sa walay kinutuban nga pag-ula ni Jesukristo.
Ang Dios naghigugma sa kalibutan, nga siya mitugyan sa iyang Bugtong Anak, Juan 3:16 (D&P 138:3 ).
Paghinigugmaay sa usag usa; ingon sa akong paghigugma kaninyo, Juan 13:34 (Juan 15:12, 17 ; Moises 7:33 ).
Kon kamo nahigugma kanako, paghupot sa akong mga sugo, Juan 14:15 (D&P 42:29 ).
Wala pay tawo nga naghigugma nga sama niini, nga ang usa ka tawo mitugyan sa iyang kinabuhi alang sa iyang mga higala, Juan 15:13 .
Pedro, nahigugma ba ikaw kanako labaw pa niini? Pakan-a ang akong mga karnero, Juan 21:15–17 .
Walay makabulag kanato gikan sa gugma sa Dios diha kang Kristo, Roma 8:35–39 .
Ang mata wala makakita sa mga butang nga giandam sa Dios alang kanila nga nahigugma kaniya, 1Â Cor. 2:9 .
Pinaagi sa gugma pag-alagad sa usag usa, Gal. 5:13 .
Mga bana, higugmaa ang inyong mga asawa, Efe. 5:25 (Col. 3:19 ).
Ayaw og higugmaa ang kalibutan, 1Â Juan 2:15 .
Ang Dios gugma, 1Â Juan 4:8 .
Kita nahigugma kaniya tungod kay siya unang naghigugma kanato, 1Â Juan 4:19 .
Si Kristo nag-antus tungod sa iyang mabination nga paghigugma ngadto sa mga tawo, 1Â Ne. 19:9 .
Padayon sa unahan uban sa usa ka gugma sa Dios ug sa tanan nga mga tawo, 2Â Ne. 31:20 .
Kamo motudlo sa inyong mga anak sa paghigugma ug sa pag-alagad sa usag usa, Mosiah 4:15 .
Kon kamo mobati sa pag-awit sa awit sa matinubsanon nga gugma, kamo mibati ba niini karon? Alma 5:26 .
Magpagiya pinaagi sa Balaan nga Espiritu, mahimo nga mapailubon, puno sa gugma, Alma 13:28 .
Pugngi ang tanan ninyo nga mga mainit nga pagbati, nga kamo unta mapuno uban sa gugma, Alma 38:12 .
Walay panagbingkil tungod sa gugma sa Dios nga mipuyo diha sa mga kasingkasing sa mga katawhan, 4Â Ne. 1:15 .
Ang tanan nga nagdapit sa paghigugma sa Dios dinasig sa Dios, Moro. 7:13–16 .
Ang gugma nga putli mao ang tiunay nga gugma ni Kristo, Moro. 7:47 .
Ang hingpit nga gugma mosalikway sa kahadlok, Moro. 8:16 (1Â Juan 4:18 ).
Ang gugma makapasarang sa mga tawo alang sa buluhaton sa Dios, D&P 4:5 (D&P 12:8 ).
Ang pagsantos moabut sa tanan kinsa nahigugma ug nag-alagad sa Dios, D&P 20:31 .
Kon kamo nahigugma kanako, pag-alagad kanako ug paghupot sa akong mga sugo, D&P 42:29 (Juan 14:15 ).
Pagpakita og dugang nga gugma ngadto niadto kinsa inyong gibadlong o gikasab-an, D&P 121:43 .