Pagpanamastamas, Panamastamas

Ang pagsulti nga walay pamatasan o walay balaan nga pagtahud sa Dios o sa sagrado nga mga butang.

Si Jesus gipasanginlan sa makadaghan nga higayon sa mga Judeo nga nagsulti og panamastamas tungod kay siya miangkon sa katungod sa pagpasaylo sa mga sala (Mat. 9:2–3; Luc. 5:20–21), tungod kay siya mitawag sa iyang kaugalingon nga Anak sa Dios (Juan 10:22–36; 19:7), ug tungod kay siya miingon nga sila makakita kaniya nga maglingkod sa tuo nga kamot sa gahum ug manaog diha sa mga panganod sa langit (Mat. 26:64–65). Kini nga mga pasangil tinuod unta kon siya sa tinuod dili mao nga siya misulti nga siya mao. Ang pasangil nga gidala batok kaniya pinaagi sa bakakon nga mga saksi sa husay sa atubangan sa Sanhedrin (Mat. 26:59–61) mao ang pagpanamastamas batok sa templo sa Dios. Ang pagpanamastamas batok sa Espiritu Santo, diin mao ang tinuyo nga paglimud kang Kristo human makadawat og usa ka hingpit nga kasayuran kaniya, mao ang dili mapasaylo nga sala (Mat. 12:31–32; Mar. 3:28–29; D&P 132:27).