Gisilutan, Pagkasinilutan Tan-awa usab Hukom, Paghukom; Paghukom, Ang Katapusan nga Ang gisilutan o pagkasinilutan nga sad-an sa Dios. Ang Dios mosilot sa usa ka tawo sa usa ka dautan nga mga laraw, Prov. 12:2. Kita gipanton sa Ginoo aron kita dili masilutan uban sa kalibutan, 1 Cor. 11:32. Ang atong mga pulong, mga binuhatan, ug mga hunahuna mohukom kanato, Alma 12:14. Pinaagi sa pagkasayud sa mga butang ug dili pagbuhat kanila, ang mga tawo moabut ubos sa pagkasinilutan, Hel. 14:19. Kon kita mohunong sa paghago, kita pagadad-on ubos sa pagkasinilutan, Moro. 9:6. Siya nga dili mopasaylo sa iyang igsoon mobarug nga sinilutan sa atubangan sa Ginoo, D&P 64:9. Siya kinsa nakasala batok sa dako nga kahayag makadawat og dako nga pagsilot, D&P 82:3. Ang tibuok simbahan ubos sa pagsilot hangtud sila maghinulsol ug mahinumdom sa Basahon ni Mormon, D&P 84:54–57.