Mga Tabang sa Pagtuon
Moroni, Anak nga Lalaki ni Mormon


Moroni, Anak nga Lalaki ni Mormon

Ang katapusan nga propeta nga Nephite diha sa Basahon ni Mormon (circa A.D. 421). Sa hapit na mamatay si Mormon, siya midala og usa ka talaan sa kasaysayan nga gitawag og ang mga palid ni Mormon ngadto sa iyang anak nga lalaki nga si Moroni (P. ni M. 1:1). Gitapos ni Moroni ang paghipos sa mga palid ni Mormon. Siya mipuno ug mga kapitulo 8 ug 9 ngadto sa basahon ni Mormon (Morm. 8:1). Siya nagmubo ug naglakip sa basahon ni Ether (Ether 1:1–2) ug nagpuno sa iyang kaugalingon nga basahon nga gitawag og basahon ni Moroni (Moro. 1:1–4). Si Moroni misilyo sa mga palid ug gitagoan sila didto sa bungtod sa Cumorah (Morm. 8:14; Moro. 10:2). Niadtong 1823 si Moroni gipadala ingon nga usa ka binanhaw nga binuhat aron sa pagpadayag sa Basahon ni Mormon ngadto ni Joseph Smith (JS—K 1:30–42, 45; D&P 27:5). Siya mitudlo sa batan-on nga propeta matag tuig sukad sa 1823 ngadto sa 1827 (JS—K 1:54) ug sa katapusan gitugyan ang mga palid ngadto kaniya sa 1827 (JS—K 1:59). Human matapos ang paghubad si Joseph Smith miuli sa mga palid ngadto ni Moroni.

Ang basahon ni Moroni

Ang katapusan nga basahon diha sa Basahon ni Mormon. Gisulat kini sa katapusan nga propeta nga Nephite, si Moroni. Mga kapitulo 1–3 nagsaysay sa katapusan nga kalaglagan sa mga Nephite, naghatag og pagmando diha sa pagtugyan sa Espiritu Santo ug sa pagkapari. Mga kapitulo 4–5 naghubit sa tukma nga paagi sa pagpangalagad sa sakramento. Kapitulo 6 nagsaysay sa buluhaton sa Simbahan. Mga kapitulo 7–8 mao ang mga wali sa unang mga baruganan sa ebanghelyo, lakip sa mga pagtudlo ni Mormon sa hugot nga pagtuo, paglaum, ug gugma nga putli ug sa paagi sa paghukom sa maayo ug sa dautan (Moro. 7), ug ang kang Mormon nga pagpasabut nga ang gagmay nga mga bata mga buhi diha kang Kristo ug wala magkinahanglan og bunyag (Moro. 8). Kapitulo 9 naghulagway sa pagkadautan sa nasud nga Nephite. Kapitulo 10 mao ang kang Moroni nga katapusan nga mensahe ug naglakip sa mga paagi sa pagkasayud sa kamatuoran sa Basahon ni Mormon (Moro. 10:3–5).