Ang Basahon ni Moroni

1 Karon ako, si ^aMoroni, human makatapos sa pagmubo sa asoy sa mga katawhan ni Jared, ako nagtuo nga dili na mosulat og dugang pa, apan ako karon wala pa mamatay; ug ako wala magpakita sa akong kaugalingon ngadto sa mga Lamanita basin pa og sila mopatay kanako.

2 Kay tan-awa, ang ilang mga ^agubat hilabihan ka mapintas taliwala sa ilang mga kaugalingon; ug tungod sa ilang pagdumot sila ^bmipahamtang og kamatayon sa matag Nephita nga dili molimud kang Kristo.

3 Ug ako, si Moroni dili ^amakalimud kang Kristo; busa, ako naglatagaw bisan diin alang sa kaluwasan sa akong kaugalingon nga kinabuhi.

4 Busa, ako mosulat og dugang pa nga mga butang, supak niana diin ako nagtuo; kay ako nagtuo nga dili na makasulat og dugang pa; apan ako mosulat og dugang nga pipila ka mga butang, nga tingali sila mahimo nga bililhon ngadto sa akong mga kaigsoonan, ang mga Lamanita, sa uban nga umaabut nga adlaw, sumala sa kabubut-on sa Ginoo.