Kristo (usa ka pulong nga Gresyanhon) ug Mesiyas (usa ka pulong nga Hebreo) nagpasabut nga ang “gidihogan.” Si Jesukristo mao ang Unang Natawo sa Amahan diha sa espiritu (Heb. 1:6 ; D&P 93:21 ). Siya mao ang Bugtong Anak sa Amahan diha sa unod (Juan 1:14 ; 3:16 ). Siya mao si Jehova (D&P 110:3–4 ) ug gi-orden nang daan sa iyang mahinungdanon nga katungdanan sa wala pa malalang ang kalibutan. Ubos sa kamandoan sa Amahan, si Jesus milalang sa yuta ug sa tanan diha niini (Juan 1:3, 14 ; Moises 1:31–33 ). Siya natawo kang Maria didto sa Bethlehem, mipuyo og usa ka walay sala nga kinabuhi, ug naghimo og usa ka hingpit nga pag-ula alang sa mga sala sa tanan nga mga katawhan pinaagi sa pagpaagas sa iyang dugo ug pagtugyan sa iyang kinabuhi diha sa krus (Mat. 2:1 ; 1 Ne. 11:13–33 ; 3 Ne. 27:13–16 ; D&P 76:40–42 ). Siya mibangon gikan sa mga patay, sa ingon nagmatuod sa mahinabo nga pagkabanhaw sa tanan nga mga katawhan. Pinaagi sa kang Jesus nga pag-ula ug pagkabanhaw, kadto kinsa maghinulsol sa ilang mga sala ug mosunod sa mga sugo sa Dios makapuyo sa kahangturan uban ni Jesus ug sa Amahan (2 Ne. 9:10–12 ; 21–22 ; D&P 76:50–53, 62 ).
Si Jesukristo mao ang labing gamhanan nga Binuhat nga natawo dinhi sa yuta. Ang iyang kinabuhi mao ang hingpit nga panig-ingnan unsaon sa tanan nga mga katawhan pagpuyo. Tanan nga mga pag-ampo, mga panalangin, ug mga ordinansa sa pagkapari kinahanglan pagabuhaton diha sa iyang ngalan. Siya mao ang Ginoo sa mga ginoo, Hari sa mga hari, ang Tiglalang, ang Manluluwas, ug ang Dios sa tibuok kayutaan.
Si Jesukristo moabut pag-usab diha sa gahum ug himaya aron maghari sa yuta sa panahon sa Kaliboan. Sa katapusan nga adlaw, siya mohukom sa tanan nga mga katawhan (Alma 11:40–41 ; JS—M 1 ).
Ang Katingbanan sa Iyang Kinabuhi (sa Nagsunod-Sunod nga mga Hitabo)
Kang Jesus nga pagkatawo ug misyon gitagna, Luc. 1:26–38 (Isa. 7:14 ; 9:6–7 ; 1 Ne. 11 ).
Natawo, Luc. 2:1–7 (Mat. 1:18–25 ).
Gituli, Luc. 2:21 .
Gipaila diha sa templo, Luc. 2:22–38 .
Giduaw sa maalamon nga mga tawo, Mat. 2:1–12 .
Si Jose ug si Maria milikay uban kaniya ngadto sa Ehipto, Mat. 2:13–18 .
Gidala ngadto sa Nazaret, Mat. 2:19–23 .
Miduaw sa templo sa panuigon nga napulog duha, Luc. 2:41–50 .
Adunay igsoon nga mga lalaki ug igsoon nga mga babaye, Mat. 13:55–56 (Mar. 6:3 ).
Gibunyagan, Mat. 3:13–17 (Mar. 1:9–11 ; Luc. 3:21–22 ).
Gitintal sa yawa, Mat. 4:1–11 (Mar. 1:12–13 ; Luc. 4:1–13 ).
Mitawag sa iyang mga tinun-an, Mat. 4:18–22 (Mat. 9:9 ; Mar. 1:16–20 ; 2:13–14 ; Luc. 5:1–11,27–28 ; 6:12–16 ; Juan 1:35–51 ).
Mihatag og katungod sa Napulog Duha, Mat. 10:1–4 (Mar. 3:13–19 ; Luc. 6:12–16 ).
Mihatag sa Wali sa Bukid, Mat. 5–7 .
Mitagna sa iyang kaugalingon nga kamatayon ug pagkabanhaw, Mat. 16:21 (Mat. 17:22–23 ; 20:17–19 ; Mar. 8:31 ; 9:30–32 ; 10:32–34 ; Luc. 9:22 ; 18:31–34 ).
Nahimaya ang panagway, Mat. 17:1–9 (Mar. 9:2–8 ; Luc. 9:28–36 ).
Mipadala sa kapitoan, Luc. 10:1–20 .
Mihimo sa iyang madaugon nga pagsulod ngadto sa Jerusalem, Mat. 21:1–11 (Mar. 11:1–11 ; Luc. 19:29–40 ; Juan 12:12–15 ).
Mitukod sa sakramento, Mat. 26:26–29 (Mar. 14:22–25 ; Luc. 22:19–20 ).
Nag-antus ug nag-ampo diha sa Getsemani, Mat. 26:36–46 (Mar. 14:32–42 ; Luc. 22:39–46 ).
Gibudhian, gidakop, ug gibiyaan, Mat. 26:47–56 (Mar. 14:43–53 ; Luc. 22:47–54 ; Juan 18:2–13 ).
Gilansang sa krus, Mat. 27:31–54 (Mar. 15:20–41 ; Luc. 23:26–28,32–49 ; Juan 19:16–30 ).
Nabanhaw, Mat. 28:1–8 (Mar. 16:1–8 ; Luc. 24:1–12 ; Juan 20:1–10 ).
Nagpakita human sa iyang pagkabanhaw, Mat. 28:9–20 (Mar. 16:9–18 ; Luc. 24:13–48 ; Juan 20:11–31 ; Buh. 1:3–8 ; 1 Cor. 15:5–8 ).
Mikayab ngadto sa langit, Mar. 16:19–20 (Luc. 24:51–53 ; Buh. 1:9–12 ).
Si Jesus mitudlo ingon sa usa nga adunay gahum, Mat. 7:28–29 (Mar. 1:22 ).
Ang Anak sa Tawo adunay gahum dinhi sa yuta sa pagpasaylo sa mga sala, Mat. 9:6 .
Si Jesus misugo sa mga hugaw nga espiritu uban ang gahum ug sila misunod kaniya, Mar. 1:27 (Luc. 4:33–36 ).
Si Jesus mi-orden sa napulog duha aron makabaton og gahum, Mar. 3:14–15 .
Kang Jesus nga pulong giubanan og gahum, Luc. 4:32 .
Ang Amahan mitugyan sa tanan nga paghukom ngadto sa Anak, Juan 5:22, 27 .
Ang Dios midihog kang Jesus uban sa Espiritu Santo ug uban sa gahum, Buh. 10:38 .
Si Kristo gi-orden nang daan sa wala pa ang katukuran sa kalibutan, 1 Ped. 1:20 (Ether 3:14 ).
Si Kristo adunay mga yawe sa impyerno ug sa kamatayon, Pin. 1:18 .
Ang tanan nga mga tawo mahimo nga alagad ngadto kang Kristo, 2 Ne. 9:5 .
Si Jesukristo, ang Anak sa Dios, mao ang Amahan sa langit ug sa yuta, ang Tiglalang sa tanan nga mga butang gikan sa sinugdanan, Hel. 14:12 .
Si Kristo mianhi pinaagi sa kabubut-on sa Amahan aron pagbuhat sa iyang kabubut-on, D&P 19:24 .
Si Jesus midawat sa kahingpitan sa himaya sa Amahan; ug siya midawat sa tanan nga gahum, D&P 93:3–4,16–17 (Juan 3:35–36 ).
Ang Anak sa tawo moabut diha sa himaya sa iyang Amahan, Mat. 16:27 .
Himayaa Ako niana nga himaya nga anaa kanako uban kanimo sa wala pa ang kalibutan, Juan 17:5 .
Ang usa ka balaan sa Israel kinahanglan gayud maghari diha sa dako nga himaya, 1 Ne. 22:24 .
Kami adunay paglaum sa iyang himaya, Jacob 4:4 .
Ang Anak sa Dios mianhi diha sa iyang himaya, Alma 5:50 .
Siya mipatin-aw sa tanan nga mga butang, gikan sa sinugdanan hangtud nga siya kinahanglan moanhi diha sa iyang himaya, 3 Ne. 26:3 .
Ang akong mga apostoles magbarug nga sinul-uban diha sa himaya gani sama nga Ako mao, D&P 29:12 (D&P 45:44 ).
Kami nakakita sa himaya sa Anak, sa tuo nga kamot sa Amahan, D&P 76:19–23 .
Si Juan nakakita ug nagpamatuod sa kahingpitan sa akong himaya, D&P 93:6 (Juan 1:14 ).
Ang iyang panagway misanag labaw sa kahayag sa adlaw, D&P 110:3 .
Ang iyang himaya diha kanako, ug Ako nakakita sa iyang nawong, Moises 1:1–11 .
Kini mao ang akong buhat ug ang akong himaya, Moises 1:39 .
Kaliboan nga Paghari ni Kristo
Ang Dios mohatag ngadto kang Jesus sa trono sa iyang amahan nga si David, Luc. 1:30–33 .
Si Kristo mohari hangtud sa kahangturan, Pin. 11:15 .
Ang mga Santos mohari uban kang Kristo sulod sa usa ka kaliboan, Pin. 20:4 (D&P 76:63 ).
Ako mopuyo diha sa pagkamatarung uban sa mga tawo diha sa yuta sa kaliboan, D&P 29:11 (D&P 43:29–30 ).
Magpaubos sa mga gahum nga anaa, hangtud nga siya maghari kansang katungod mao ang paghari, D&P 58:22 (1 Cor. 15:25 ).
Kinabuhi ni Kristo nga Wala pa Dinhi sa Yuta
Sa sinugdanan, ang Pulong uban sa Dios. Ug ang Pulong nahimo nga tawo, ug mipuyo uban kanato, Juan 1:1,14 (1 Juan 1:1–3 ).
Sa wala pa si Abraham, Ako mao, Juan 8:58 .
Himayaa Ako uban sa himaya nga anaa uban kanimo sa wala pa ang kalibutan mahimo, Juan 17:5 .
Si Isaias nakakita sa pagkatinuod sa akong Manunubos ingon nga ako ug ang akong igsoon nga si Jacob nakakita kaniya, 2 Ne. 11:2–3 .
Sa pagkaugma Ako miabut sa kalibutan, 3 Ne. 1:12–14 .
Si Kristo diha na sa wala pa magsugod ang kalibutan, 3 Ne. 26:5 (Juan 6:62 ).
Ingon nga Ako mopakita nganha kaninyo Ako mopakita ngadto sa akong mga katawhan diha sa unod, Ether 3:14–17 .
Akong Hinigugmang Anak, nga mao ang akong Hinigugma ug Pinili gikan sa sinugdanan, Moises 4:2 .
Ang Ginoo miingon: Kinsa Ako mopadala? Ug ang usa mitubag nga sama ngadto sa Anak sa Tawo: Ania ako, ipadala ako, Abr. 3:27 .
Ang tanan nga mga tawo moduol ngadto sa Dios aron pagahukman kaniya sumala sa kamatuoran ug pagkabalaan diin anaa kaniya, 2 Ne. 2:10 .
Barug sa atubangan sa Dios aron pagahukman sumala sa mga binuhatan, Alma 5:15 (Alma 12:15 ; 33:22 ; 3 Ne. 27:14 ).
Mga Pagpakita ni Kristo Human sa Kinabuhi Dinhi sa Yuta
Sa pagkabanhaw ni Jesus, siya mipakita og una kang Maria, Mar. 16:9 (Juan 20:11–18 ).
Si Jesus naglakaw ug nakigsulti uban sa duha sa iyang mga tinun-an sa dalan paingon sa Emmaus, Luc. 24:13–34 .
Si Jesus mipakita ngadto sa mga Apostoles, kinsa mihikap sa iyang mga kamot ug mga tiil, Luc. 24:36–43 (Juan 20:19–20 ).
Si Jesus mipakita ngadto ni Tomas, Juan 20:24–29 .
Si Jesus mipakita ngadto sa mga tinun-an sa dagat sa Tiberias, Juan 21:1–14 .
Si Jesus nangalagad sulod sa kap-atan ka mga adlaw human sa iyang pagkabanhaw, Buh. 1:2–3 .
Si Esteban nakakita kang Jesus nga nagtindog diha sa tuo nga kamot sa Dios, Buh. 7:55–56 .
Si Jesus mipakita ngadto kang Saul, Buh. 9:1–8 (HJS,Buh. 9:7 ; Buh. 26:9–17 ).
Si Kristo nakita sa labaw sa 500 ka mga katawhan, 1 Cor. 15:3–8 .
Si Jesukristo mipakita sa iyang kaugalingon ngadto sa mga katawhan ni Nephi, 3 Ne. 11:1–17 .
2500 ka mga katawhan nakakita ug nakadungog ni Jesus, 3 Ne. 17:16–25 .
Si Mormon giduaw sa Ginoo, Morm. 1:15 .
Si Joseph Smith ug si Sidney Rigdon nakakita kang Jesus diha sa tuo nga kamot sa Dios, D&P 76:22–23 .
Si Joseph Smith ug si Oliver Cowdery nakakita sa Ginoo didto sa Templo sa Kirtland, D&P 110:1–4 .
Mga Panagna Mahitungod sa Pagkatawo ug Pagkamatay ni Jesukristo
Usa ka birhen magsabak ug manganak og usa ka lalaki, Isa. 7:14 (1 Ne. 11:13–20 ).
Gikan sa Bethlehem motungha ang usa ka magmamando diha sa Israel, Miq. 5:2 .
Si Samuel nga Lamanite nanagna og usa ka adlaw, usa ka gabii, ug usa ka adlaw sa kahayag; usa ka bag-o nga bitoon; ug uban nga mga timailhan, Hel. 14:2–6 .
Si Samuel nga Lamanite nanagna og kangitngit, mga panugdog ug mga pangilat, ug pag-uyog sa yuta, Hel. 14:20–27 .
Ang mga timailhan sa pagkatawo ni Jesus natuman, 3 Ne. 1:15–21 .
Ang mga timailhan sa kamatayon ni Jesus natuman, 3 Ne. 8:5–23 .
Mga Panig-ingnan o Simbolo ni Kristo
Si Abel mihalad sa mga panganay sa iyang panon, Gen. 4:4 (Moises 5:20 ).
Dad-a ang imong bugtong anak nga si Isaac, ug ihalad siya alang sa usa ka halad, Gen. 22:1–13 (Jacob 4:5 ).
Ang Ginoo misugo sa mga anak ni Israel sa pagsakripisyo og mga nating karnero nga walay buling, Ex. 12:5, 21, 46 (Num. 9:12 ; Juan 1:29 ; 19:33 ; 1 Ped. 1:19 ; Pin. 5:6 ).
Kini mao ang pan nga ang Ginoo naghatag kaninyo aron kan-on, Ex. 16:2–15 (Juan 6:51 ).
Hampaka ang bato, ug diha adunay tubig nga mogawas niini, nga ang mga katawhan mahimo nga makainom, Ex. 17:6 (Juan 4:6–14 ; 1 Cor. 10:1–4 ).
Ang kanding modala diha kaniya sa tanan nila nga mga pagkadautan, Lev. 16:20–22 (Isa. 53:11 ; Mosiah 14:11 ; 15:6–9 ).
Si Moises mipataas og usa ka bitin nga hinimo sa tumbaga aron maluwas kadto kinsa motan-aw niini, Num. 21:8–9 (Juan 3:14–15 ; Alma 33:19 ; Hel. 8:14–15 ).
Si Jonas diha sa tiyan sa isda sa tulo ka mga adlaw, Jonas 1:17 (Mat. 12:40 ).
Pagdala sa Ngalan ni Jesukristo Diha Kanato
Walay lain nga ngalan diin kita kinahanglan gayud maluwas, Buh. 4:12 (2 Ne. 31:21 ).
Ang mga Apostoles nalipay nga sila giisip nga mga takus sa pag-antus sa kaulaw alang sa iyang ngalan, Buh. 5:38–42 .
Kini mao ang iyang sugo, Nga kita kinahanglan motuo sa ngalan sa iyang Anak nga si Jesukristo, 1 Juan 3:23 .
Saksi nga kamo andam sa pagdala diha kaninyo sa ngalan ni Kristo pinaagi sa bunyag, 2 Ne. 31:13 .
Ako manghinaut nga kamo kinahanglan modala diha kaninyo sa ngalan ni Kristo, Mosiah 5:6–12 (Mosiah 1:11 ).
Si kinsa kadto nga matinguhaon sa pagdala diha kanila sa ngalan ni Kristo nagpasakop sa Simbahan sa Dios, Mosiah 25:23 .
Ang tanan kinsa mga tinuod nga mituo kang Kristo midala diha kanila sa ngalan ni Kristo, Alma 46:15 .
Ang ganghaan sa langit bukas niadto kinsa motuo sa ngalan ni Jesukristo, Hel. 3:28 .
Bulahan siya kinsa makaplagan nga matinud-anon ngadto sa akong ngalan sa katapusan nga adlaw, Ether 4:19 .
Sila andam sa pagdala nganha kanila sa ngalan sa Anak, Moro. 4:3 (D&P 20:77 ).
Pagpamatuod Gipahayag Mahitungod ni Jesukristo
Si Pablo mipamatuod nga si Jesus mao ang Kristo, Buh. 18:5 .
Bisan ang mga dautan nga espiritu mipamatuod nga sila nakaila kang Jesus, Buh. 19:15 .
Walay tawo nga makasulti nga si Jesus ang Ginoo gawas kon pinaagi sa Espiritu Santo, 1 Cor. 12:3 .
Matag tuhod moluhod ug matag dila mokumpisal nga si Jesukristo mao ang Ginoo, Filip. 2:10–11 .
Kami naghisgot kang Kristo, kami nalipay diha kang Kristo, kami nagsangyaw kang Kristo, kami nanagna kang Kristo, 2 Ne. 25:26 .
Ang Basahon ni Mormon mao aron pagdani sa mga Judeo ug mga Hentil nga si Jesus mao ang Kristo, 2 Ne. 26:12 (Basahon ni Mormon ulohan nga pahina ).
Mga propeta ug mga kasulatan nagpamatuod kang Kristo, Jacob 7:11, 19 .
Pangitaa kining Jesus diin ang mga propeta ug mga apostoles misulat, Ether 12:41 .
Kami nakakita kaniya ug nakadungog sa tingog nga nagpamatuod nga siya mao ang Bugtong Anak, D&P 76:20–24 .
Kini mao ang mga kinabuhing dayon—nga masayud sa Dios ug kang Jesukristo, D&P 132:24 .
Kami nagtuo sa Dios ang Amahan sa Kahangturan, ug sa Iyang Anak, nga si Jesukristo, A sa HP 1:1 .
Kami nagtuo nga si Kristo mohari sa iyang kaugalingon dinhi sa yuta, A sa HP 1:10 .
Panig-ingnan ni Jesukristo
Ako naghatag kaninyo og usa ka panig-ingnan, Juan 13:15 .
Ako mao ang agianan ang kamatuoran, ug ang kinabuhi, Juan 14:6 .
Si Kristo usab nag-antus alang kanato nagbilin kanato og usa ka panig-ingnan, aron kamo mosunod sa iyang mga tunob, 1 Ped. 2:21 .
Gawas kon ang usa ka tawo mosunod sa panig-ingnan sa Anak sa buhi nga Dios, siya dili maluwas, 2 Ne. 31:16 .
Ako manghinaut nga kamo mahimo nga hingpit sama nga Ako ingon, 3 Ne. 12:48 .
Kini kinahanglan nga kamo sa kanunay mosunod sa pagbuhat, gani ingon nga Ako mibuhat, 3 Ne. 18:6 .
Ako nagpakita og usa ka panig-ingnan alang kaninyo, 3 Ne. 18:16 .
Ang mga buhat nga kamo nakita nga Ako mihimo kana kamo mobuhat usab, 3 Ne. 27:21, 27 .
Ang tinuod nga mga sumusunod ni Jesukristo mahisama kaniya, Moro. 7:48 .