Mga Tabang sa Pagtuon
Esdras


Esdras

Usa ka pari sa Daang Tugon ug tigsulat kinsa midala sa pipila ka mga Judeo balik ngadto sa Jerusalem gikan sa pagkabihag sa Babelonia (Esd. 7–10; Neh. 8, 12). Sa 458 B.C. siya nakabaton og pagtugot gikan kang Artajerjes, hari sa Persia, sa pagdala ngadto sa Jerusalem ni bisan kinsa nga mga Judeo nga hininginlan kinsa buot nga molakaw (Esd. 7:12–26).

Sa wala pa ang panahon ni Esdras, ang pari adunay hapit tibuok nga pagdumala ibabaw sa pagbasa sa mga hinugpong nga sinulat nga mga kasulatan nga gitawag og “balaod”. Si Esdras mitabang sa paghimo nga ang mga kasulatan magamit sa matag Judeo. Ang dayag nga pagbasa sa “basahon sa balaod” sa kadugayan nahimo nga kinapusoran sa nasudnon nga kinabuhi sa Judeo. Tingali ang kang Esdras nga kinadak-an nga panudlo nagagikan sa iyang kaugalingon nga panig-ingnan sa pag-andam sa iyang kasingkasing sa pagpangita sa balaod sa Ginoo, sa pagtuman niini, ug sa pagtudlo niini ngadto sa uban (Esd. 7:10).

Ang basahon ni Esdras

Mga kapitulo 1–6 naghulagway sa mga panghitabo gikan sa kan-uman ngadto sa kawaloan ka mga tuig sa wala pa si Esdras moabut sa Jerusalem—ang balaod ni Ciro sa 537 B.C. ug ang pagbalik sa mga Judeo ubos ni Zorobabel. Mga kapitulo 7–10 nagpakita giunsa ni Esdras pag-adto sa Jerusalem. Siya, uban sa iyang kauban, nagpuasa ug nag-ampo alang sa panalipod. Sa Jerusalem sila nakakita og daghan nga mga katawhan nga Judeo kinsa miadto sa Jerusalem og una ubos ni Zorobabel ug naminyo sa mga babaye nga gawas sa pakigsaad ug sa ingon nagmansa sa ilang mga kaugalingon. Si Esdras nag-ampo alang kanila ug nagbutang kanila ubos sa pakigsaad nga bulagan kadto nga mga asawa. Ang ulahi nga kasaysayan ni Esdras makit-an diha sa basahon ni Nehemias.