Mga Tabang sa Pagtuon
Numeros


Numeros

Ang ikaupat nga basahon diha sa Daang Tugon. Si Moises misulat sa basahon sa Numeros. Ang basahon sa Numeros nagsaysay sa sugilanon sa panaw sa Israel gikan sa bukid sa Sinai ngadto sa mga kapatagan sa Moab diha sa utlanan sa Canaan. Usa sa mahinungdanon nga mga leksyon nga gitudlo niini mao nga ang mga katawhan sa Dios kinahanglan gayud maglakaw sa hugot nga pagtuo, mosalig sa iyang mga saad, kon sila mopadayon nga malampuson. Kini nag-asoy pagbalik sa silot sa Dios sa Israel tungod sa pagkadili masulundon ug nagsangkap og kasayuran mahitungod sa mga balaod sa Israelite. Ang ngalan sa basahon nakuha gikan sa inila nga mga hulagway sa pangihap (Num. 1–2, 26).

Mga kapitulo 1–10 nagsaysay sa pagpangandam sa Israelite alang sa pagbiya gikan sa Sinai. Mga kapitulo 11–14 naghulagway sa paglakaw, ang pagpadala og mga espiya ngadto sa Canaan, ug ang pagdumili sa Israel sa pagsulod ngadto sa yuta sa saad. Mga kapitulo 15–19 nagtimaan sa nagkalain-lain nga mga balaod ug masaysayon nga mga hitabo. Mga kapitulo 20–36 mao ang kasaysayan sa mga katawhan sa katapusan nga tuig diha sa kamingawan.