Ang pulong nga langit adunay duha ka sukaranan nga mga kahulugan diha sa mga kasulatan. (1) Kini mao ang dapit diin ang Dios nagpuyo ug ang umaabut nga pinuy-anan sa mga Santos (Gen. 28:12; Sal. 11:4; Mat. 6:9). (2) Kini mao ang gilapdon nga naglibut sa yuta (Gen. 1:1, 17; Ex. 24:10). Ang langit tataw nga dili ang paraiso, nga mao ang lumalabay nga dapit alang sa mga matinud-anon nga espiritu niadto kinsa mipuyo ug namatay dinhi sa yuta. Si Jesus miduaw sa paraiso human sa iyang kamatayon diha sa krus, apan sa ikatulo ka adlaw, siya mipahibalo ni Maria nga siya wala pa moadto sa Amahan (Luc. 23:39–44; Juan 20:17; D&P 138:11–37).