Mga Tabang sa Pagtuon
Jose, Anak nga Lalaki ni Jacob


Jose, Anak nga Lalaki ni Jacob

Diha sa Daang Tugon, ang unang anak nga lalaki ni Jacob ug Raquel (Gen. 30:22–24; 37:3).

Si Jose nakaangkon sa katungod sa pagkatawo sa Israel tungod kay si Ruben, ang unang anak nga lalaki sa unang asawa ni Jacob, nawad-an sa kahigayunan pinaagi sa kalapasan (1 Cron. 5:1–2). Tungod kay siya takus, si Jose, ingon nga unang anak nga lalaki sa ikaduha nga asawa ni Jacob, mao ang sunod sa linya alang sa panalangin. Si Jose usab nakadawat og usa ka panalangin gikan sa iyang amahan sa hapit na mamatay si Jacob (Gen. 49:22–26).

Si Jose mao ang usa ka tawo nga dungganan og kinaiya, usa ka tawo nga “mabuot ug maalamon” (Gen. 41:39). Ang iyang pagdumili sa asawa ni Potipar mao ang usa ka panig-ingnan sa hugot nga pagtuo, kaputli, ug kinaugalingon nga katarung (Gen. 39:7–12). Sa Ehipto, sa pagtug-an ni Jose sa iyang tinuod nga pagkatawo ngadto sa iyang igsoon nga mga lalaki, siya mipasalamat kay sa mibasol kanila unsa ang ilang gibuhat kaniya. Siya mituo nga ang ilang mga gibuhat nakatabang sa pagtuman sa kabubut-on sa Dios (Gen. 45:4–15).

Pagpadayag sa ulahing mga adlaw nagtug-an sa labaw nga dako nga misyon sa banay ni Jose sa katapusan nga mga adlaw (2 Ne. 3:3–24; 3 Ne. 20:25–27; HJS, Gen. 50).