Mga Tabang sa Pagtuon
Halangdon nga Pari


Halangdon nga Pari

Usa ka buhatan diha sa pagkapari. Ang mga kasulatan naghisgot sa “halangdon nga pari” sa duha ka mga pagsabut: (1) usa ka buhatan diha sa Melchizedek nga Pagkapari; ug (2) ubos sa balaod ni Moises, ang opisyal nga tigdumala sa Aaronic nga Pagkapari.

Ang una nagtudlo ngadto kang Jesukristo ingon nga labing Halangdon nga Pari. Si Adan ug ang tanan nga mga patriyarka usab mga halangdon nga pari. Karon, tulo ka tigdumala nga halangdon nga mga pari naglangkob sa Kapangulohan sa Simbahan ug nagdumala ibabaw sa tanan nga mga naghupot sa pagkapari ug mga sakop sa Simbahan. Dugang nga takus nga mga tawo gi-orden nga halangdon nga mga pari ingon nga angay sa tibuok Simbahan karon. Halangdon nga mga pari mahimo nga tawgon, igahin, ug i-orden ingon nga mga obispo (D&P 68:19; 107:69–71).

Sa ikaduha, ubos sa balaod ni Moises, ang opisyal nga tigdumala sa Aaronic nga Pagkapari gitawag og halangdon nga pari. Ang buhatan gipanunod ug madawat sa unang natawo diha sa banay ni Aaron, si Aaron sa iyang kaugalingon ingon nga mao ang unang halangdon nga pari sa Aaronic nga kapunongan (Ex. 28; 29; Lev. 8; D&P 84:18).