Solomon Tan-awa usab Bathsheba; David Diha sa Daang Tugon, usa ka anak nga lalaki ni David ug Bathsheba (2 Sam. 12:24). Si Solomon sa usa ka higayon usa ka hari sa Israel. Si David nagngalan ni Solomon nga usa ka hari, 1 Hari 1:11–53. Si David nagmando ni Solomon sa paglakaw diha sa mga pamaagi sa Ginoo, 1 Hari 2:1–9. Ang Ginoo misaad kaniya og masinabtunon nga kasingkasing, 1 Hari 3:5–15. Naghukom tali sa duha ka mga inahan ug nagtino sa tinuod nga inahan sa bata, 1 Hari 3:16–28. Namulong og mga proverbio ug mga awit, 1 Hari 4:32. Mitukod sa templo, 1 Hari 6; 7:13–51. Mipahinungod sa templo, 1 Hari 8. Giduaw sa rayna sa Seba, 1 Hari 10:1–13. Si Solomon naminyo gawas sa Israel, ug ang iyang mga asawa mituis sa iyang kasingkasing aron sa pagsimba sa mga mini nga dios, 1 Hari 11:1–8. Ang Ginoo nasuko ni Solomon, 1 Hari 11:9–13. Namatay, 1 Hari 11:43. Si David nanagna sa himaya sa paghari ni Solomon, Sal. 72. Si Solomon nakadawat og daghan nga mga asawa ug mga puyo-puyo, apan ang uban wala dawata sa Ginoo, D&P 132:38 (Jacob 2:24).