Mateo

Usa ka Apostol ni Jesukristo ug ang tigsulat sa unang basahon diha sa Bag-ong Tugon. Si Mateo, usa ka Judeo kinsa usa ka tigpaningil sa buhis alang sa mga Romano diha sa Capernaum, malagmit nag-alagad ni Herodes Antipas. Siya nailhan sa wala pa siya makabig nga si Levi, ang anak ni Alfeo (Mar. 2:14). Human sa iyang balaan nga tawag nga mahimo nga tinun-an ni Jesus, siya mihatag og usa ka kasaulogan diin ang Ginoo mitambong (Mat. 9:9–13; Mar. 2:14–17; Luc. 5:27–32). Si Mateo malagmit adunay dako nga kasayuran sa mga kasulatan sa Daang Tugon ug nakakita sa detalya nga katumanan sa panagna sa kinabuhi sa Ginoo. Sa ulahi nga kinabuhi sa Apostol gamay ra ang nasayran. Usa sa tradisyon nagtumbok nga siya namatay nga usa ka martir.