Mga Tabang sa Pagtuon
Cronicas, Mga


Cronicas, Mga

Duha ka mga basahon diha sa Daang Tugon. Sila naghatag og usa ka mubo nga kasaysayan sa mga hitabo gikan sa Paglalang ngadto sa pagpahayag ni Ciro nga nagtugot sa mga Judeo sa pagbalik ngadto sa Jerusalem.

Unang mga Cronicas

Mga kapitulo 1–9 naglista sa mga kagikanan gikan ni Adan ngadto ni Saul. Kapitulo 10 nagsaysay sa kamatayon ni Saul. Mga kapitulo 11–22 nagsubay sa mga hitabo nga may kalabutan uban sa paghari ni David. Mga kapitulo 23–27 nagpasabut nga si Solomon nahimo nga hari ug ang mga Levite gipahimutang. Kapitulo 28 nagpasabut nga si David nagmando ni Solomon sa pagtukod og usa ka templo. Kapitulo 29 nagtala sa kamatayon ni David.

Ikaduha nga mga Cronicas

Mga kapitulo 1–9 nagsubay sa mga hitabo nga gihiusa uban sa paghari ni Solomon. Mga kapitulo 10–12 nagsulti sa paghari sa anak nga lalaki ni Solomon nga si Reboam, sa panahon diin ang nagkahiusa nga gingharian sa Israel natunga ngadto sa amihanan ug habagatan nga mga gingharian. Mga kapitulo 13–36 naglarawan sa paghari sa lain-lain nga mga hari hangtud ang pagkabuntog sa gingharian sa Juda pinaagi ni Nabucodonosor. Ang basahon mitapos uban sa kamandoan ni Ciro nga ang nabihag nga mga anak sa Juda makabalik ngadto sa Jerusalem.