Galilaya

Katika nyakati za zamani na za kisasa hii ni wilaya ya kaskazini kabisa ya Israeli magharibi ya Mto Yordani na bahari ya Galilaya. Galilaya ina ukubwa upatao maili sitini (kilometa tisini na saba) urefu wa maili thelathini (kilometa arobaini na nane) upana. Hapo zamani ilikuwa na ardhi iliyokuwa bora na miji iliyokuwa na shughuli nyingi zaidi katika Israeli. Barabara kubwa muhimu zinazoelekea Dameski, Misri, na Israeli ya mashariki zilipitia Galilaya. Hali yake ya hewa nzuri na udongo wenye rutuba ilizaa mazao mengi ya mizeituni, ngano, shayiri, na zabibu. Uvuvi katika bahari ya Galilaya ulitoa biashara kubwa ya kusafirisha nje ya nchi na ilikuwa ni chanzo kikubwa cha utajiri. Mwokozi alitumia muda wake mwingi katika Galilaya.