Eenheid Sien ook God, Godheid Om een te word in gedagte, begeerte en doel, eers met ons Vader in die Hemel en Jesus Christus, en dan met ander Heiliges. Dit is goed vir broers om saam te woon, Ps. 133:1. Ek en die Vader is een, Joh. 10:30 (L&V 50:43). Jesus het gebid dat almal een moes wees soos Hy en sy Vader een is, Joh. 17:11–23 (3 Ne. 19:23). Ek vermaan julle dat daar geen skeuringe onder julle moet wees nie, maar dat julle verenig moet wees, 1 Kor. 1:10. Wees een van gees en een van hart, verenig in alle dinge, 2 Ne. 1:21. Heiliges moet hulle harte verenig, Mosia 18:21. Jesus het gebid vir eenheid onder sy Nefitiese dissipels, 3 Ne. 19:23. Die dissipels was verenig in kragtige gebed en vas, 3 Ne. 27:1. Die Vader, Seun en Heilige Gees is een, L&V 20:27–28 (L&V 35:2; 50:43). Dit is jul plig om te verenig met die ware Kerk, L&V 23:7. Wat julle ook al sal vra in geloof, as julle verenig is in gebed, sal julle ontvang, L&V 29:6. As julle nie een is nie, is julle nie myne nie, L&V 38:27. Die Here het sy volk Sion genoem omdat hulle een van hart en een van verstand was, Moses 7:18.