Jeróbeam In die Ou Testament was Jeróbeam die eerste koning van die noordelike deel van verdeelde Israel. Hy was ’n lid van die stam van Efraim. Die goddelose Jeróbeam het ’n opstand gelei teen die huis van Juda en die gesin van Dawid. Jeróbeam het afgode opgestel vir die volk in Dan en Bet-él om te aanbid, 1 Kon. 12:28–29. Ahía het vir Jeróbeam tereggewys, 1 Kon. 14:6–16. Jeróbeam word onthou vanweë ’n vreeslike sonde wat hy oor Israel gebring het, 1 Kon. 15:34 (1 Kon. 12:30).