Fifanekena amin’ Andriamanitra sy ny olona saingy tsy mitovy ny anjara raisiny ao amin’ny fifanekena. Andriamanitra no manome ny fepetran’ny fanekempihavanana ka manaiky ny hanao izay angatahiny ny olona. Ampanantenain’ Andriamanitra ho an’ny olona amin’izany ireo fitahiana sasantsasany noho ny fankatoavany.
Raisina amin’ny alalan’ny fanekempihavanana ireo fitsipika sy ôrdônansy. Ny mpikambana ao amin’ny Fiangonana, izay manao izany fanekempihavanana izany, dia mampanantena ny hanaja azy ireny. Mifanaiky amin’ny Tompo ohatra ny mpikambana amin’ny batisa ary dia manavao izany fanekempihavanana izany izy amin’ny fandraisana ny fanasan’ny Tompo. Manao fanekempihavanana hafa ihany koa izy any amin’ny tempoly. Vahoakan’ny fanekempihavanana ny vahoakan’ny Tompo, ary tahina fatratra tokoa izy rehefa mitandrina ny fanekempihavanana nataony tamin’ny Tompo.