Didy Folo, Ny

Lalàna folo nomen’ Andriamanitra tamin’ny alalan’i Mosesy mpaminany mba hifehezana ny fitondrantena.

Nomena ny anarana Hebreo hoe ny “Teny Folo” izany. Nantsoina koa hoe ny Fanekena (Deot. 9:9) na ny vavolombelona izany (Eks. 25:21; 32:15). Ny fanomezan’ Andriamanitra ny Didy Folo an’i Mosesy ary an’i Isiraely tamin’ny alalany dia voatantara ao amin’ny Eks. 19:9–20:23; 32:15–19; 34:1. Ireo didy dia vita sokitra teo amin’ny vato fisaka roa izay napetraka tao amin’ny Fiara; koa izany no niantsoana ny Fiara hoe ny Fiaran’ny Fanekena (Nom. 10:33). Ny Tompo raha nitanisa ny Deot. 6:4–5 sy ny Lev. 19:18 dia namintina ny Didy Folo ho “didy roa lehibe” (Mat. 22:37–39).

Naverimberina ao amin’ny fanambaran’ny Andro Farany ny Didy Folo (DJS, Eks. 34:1–2, 14 [Tovana]; Môzià 12:32–37; 13:12–24; F&F 42:18–28; 59:5–13).