Moronai, Mwanakomana waMormoni
Muporofita wechiNifai wekupedzisira muBhuku raMormoni (zvinganguve 421 Kristu azvarwa). Mormoni asati afa, akaendesa zvinyorwa zvenonhoroondo zvaidaidzwa kuti mahwendefa aMormoni kumwanakomana wake Moronai (Mazwi 1:1). Moronai akapedza kuronga mahwendefa aMormoni. Akaisawo zvitsauko 8 na9 kuBhuku raMormoni (Morm. 8:1). Akaisa muchidimbu nekuisawo bhuku raEta (Eta 1:1–2) ndokupa mhidzira bhuku rake rinonzi bhuku raMoronai (Moro. 1:1–4). Moronai akanama mahwendefa akaaviga muchikomo cheKumora (Morm. 8:14; Moro. 10:2). Muna 1823 Moronai akatumwa semunhu akanga amutswa kuvakafa kuzoratidza Bhuku raMormoni kuna Joseph Smith (Nh—JS 1:30–42, 45; D&Z 27:5). Airaira muporofita akanga achiri mudiki gore rega-rega kubvira muna 1823 kusvika 1827 (Nh—JS 1:54) pekupedzisira akazomupa mahwendefa muna 1827 (Nh—JS 1:59). Mushure mekupedza kududzira Joseph Smith akadzorera mahwendefa kunaMoronai.
Bhuku raMoronai
Bhuku rekupedzisira muBhuku raMormoni. Rakanyorwa nemuporofita wekupedzisira wemaNifai, Moronai. Zvitsauko 1–3 zvinotaura nezvekuparadzwa kwekupedzisira kwemaNifai, zvichipa rudzidziso maererano nokupa Mweya Mutsvene nehupirisita. Zvitsauko 4–5 zvinopa zshumire maererano nezyikainoitwa chaizvo mukupa sakaramende. Chitsauko 6 chitaura muchidimbu zvebasa reChechi. Zvitsauko 7–8 imharidzo pamusoro pemitemo yekutanga yeshumiri panomirira nedzidziso dzaMormoni pamusoro perutendo, tariro, nerudo nenzira yekutonga zvakanaka nezvakaipa (Moro. 7), nekutsanangura kwaMormoni kuti vana vadiki vapenyu muna Kristu nokudaro havadi rubhabhatidzo (Moro. 8). Chitsauko 9 chinotsanangura unhubu hwerwudzi rwemaNifai. Chitsauko 10 ndiwo mashoko ekupedzisira aMoronai pamwechete nenzira yekuziva chokwadi cheBhuku raMormoni (Moro. 10:3–5).