Temberi yeKirtland

Temberi yekutanga kuvakwa neChechi ino munguva dzino. Vatendi vakaivakira muKirtland, Ohio, USA, maererano nokuraira kwaIshe (D&Z 94:3–9). Chimwe chinangwa chaive kuti pave nenzvimbo yekuti nhengo dzeChechi dzakakodzera dzigashire simba remweya, mvumo, nerujeko (D&Z 109; 110). Yakapirwa musi wa27 mwedzi waKurume 1836; munamato wekupira wakapihwa kune muporofita Joseph Smith nokuzarurirwa (D&Z 109). Ishe vakapa zvakazarurwa zvakawanda zvinokosha uye vakadzorera pakare makiyi ehupirisita anodiwa mutemberi iyi (D&Z 110; 137). Haina kushandisirwa zvizere zvezvisungo zvinopihwa mumatemberi nhasi.