Kupunzika kwaAdama naEva

Nzira yakaita kuti rudzi rwevanhu rwufe pano pasi. Apo Adama naEva vakadya muchero wairambidzwa, vakave vanofa, vakange vave pasi pechitadzo nokufa. Adama akave “nyama yekutanga” pamusoro penyika (Mos. 3:7). Zvakazururwa zvemazuva ekupedzisira zvinoisa pachena kuti Kupunzika maropafadzo nokuti Adama na Eva vanofanira kukudzwa sevabereki vekutanga verudzi rwevanhu.

Kupunzika chinhu chaifanira sedanho mukufambira mberi kwemunhu. Nokuti Mwari vaiziva kuti Kupunzika kwaizoitika, vakanga varonga upenyu hunoguma nerufu husati hwavepo kuti kuve neMuponesi. Jesu Kristu akauya pakati penguva kuti azodzikinurira kupunzika kwaAdama uye zvitadzo zvemunhu mumwe nemumwe zvichienda nokuti munhu atendeuka.

Rwose rudzi rwevanhu rwakanga rwuri panhano yekurasika nekupunzika, 1 Ni. 10:6.
Nzira yakagadzirwa kubva pakupunzika kwemunhu, 2 Ni. 2:4.
Mushure mekunge Adama naEva vadya muchero wakarambidzwa, vakatandwa muBindu reEdeni, 2 Ni. 2:19.
Adama akapunzika kuti vanhu vavepo, 2 Ni. 2:15–26.
Munhu wenyama muvengi kuna Mwari, uye anga ari kubvira pakupunzika kwaAdama, Mosaya 3:19.
Aroni akadzidzisa baba vaRamonai nezvekupunzika, Aru. 22:12–14.
Pakafanira kuve nerudzikinuro rwunoitwa kana kuti rudzi rwose rwevanhu rwakapunzika uye rwakarasika, Aru. 34:9.
Vabereki vedu vekutanga vakabviswa zvose panyama uye pamweya kubva pamberi paIshe, Aru. 42:2–15 (Hir. 14:16).
Pamusana pekupunzika, hunhu hwedu hwakabva hwaipa, Eta 3:2.