Jerusarema

Guta rinowanikwa muIsraeri yanhasi. Iguta rinokosha kwazvo murungano rwemumabhaibheri. Dzimwe dzenzvimbo dzinoera kwazvo kuma Kristu, maJuda, nemaMozirimu dziri muguta iri dzinoshanyirwa nguva dzose nevazhinji vakavimbika vanodaira. Inotaurwa kazhinji seguta dzvene.

Raichimbozikanwa seSaremi (Gen. 14:18; Mpi. 76:2). Jerusarema raive guta remaJebusi kusvika ratorwa naDavidi (Josh. 10:1; 15:8; Ⅱ Sam. 5:6–7), akariita muzinda wake. Kusvika zvino rakanga richishandiswa setsvingo yemugomo, zvingangoita zviuru zviviri zvine mazana matanhatu enhano pamusoro pegungwa. Rakakomberedzwa nemanhika dzakadzika mativi ose kunze kwekuchamhembe.

Munguva yekutonga kwaMambo Davidi muJerusarema, aigara mumuzimba wemapuranga. Zvisinei, munguva yekutonga kwaSoromoni, vanhu vakaita zvizhinji mukunakisa guta, zvichisanganisa kuvaka muzinda wamambo netemberi.

Mushure mekunge umambo hweIsraeri neJuda hwaparadzana, Jerusarema yakaramba iri guta guru reJuda. Yaigara ichirwiswa nemauto evapambi (Ⅰ Madz. 14:25; Ⅱ Madz. 14:13; 16:5; 18–19; 24:10; 25). Pasi paHezekia, Jerusarema yakava muzinda wezvekunamata, asi chikamu chayo chakaparadzwa muna 320 Kristu asati azvarwa; 168 Kristu asati azvarwa na65 Kristu asati azvarwa. Herode akavakazve chidziro netembere, asi muna 70 Kristu azvarwa MaRoma vakaiparadza zvachose.