Rutendo

Ruvimbo mune chimwe chinhu kana mumwe munhu. Sekushandiswa kwarinoitwa kazhinji mumagwaro matsvene, rutendo ruvimbo nekuvimba munaJesu Kristu zvinotungamira munhu mukumuteerera. Rutendo rwakafanira kunangana naJesu Kristu kuti rwugotungamirira munhu kuruponeso. Vatendi vaMazuva ekupedzisira vane rutendowo muna Mwari Baba, Mweya Mutsvene, simba rehupirisita, nezvimwewo zvevhangeri rakadzorerwa.

Rutendo rwunosanganisa tariro yezvinhu zvisingaonekwe, asi zviri zvechokwadi (VaH. 11:1; Aru. 32:21; Eta 12:6). Rutendo rwunobatidzwa nekunzwa vhangeri richidzidziswa nevatariri vakabvumira vakatumirwa naMwari (VaR. 10:14–17). Basa rinoitwa nesimba raMwari hariburitse rutendo, asi rutendo rwakasimba rwunovakwa nokuteerera kuvhangeri raJesu Kristu. Nemamwe mazwi, rutendo rwunouya nekururama (Aru. 32:40–43; Eta 12:4, 6, 12; D&Z 63:9–12).

Rutendo rwechokwadi rwunounza basa rinoitwa nesimba raMwari, zviratidzo, zviroto, kurapa, nezvipo zvose zvaMwari izvo zvavanopa kuVatendi vavo. Nerutendo munhu anowana kuregererwa kwezvitadzo uye achizogona kugara pana Mwari. Kushaya rutendo kunotungamira munhu mukuora mwoyo, zvinouya pamusana pekuipa (Moro. 10:22).

Rutendo rwako rwakuita uve akakwana, Mat. 9:22 (Marko 5:34; Ruka 7:50).
Maererano nokutenda kwenyu ngazvive kwamuri, Mat. 9:29.
Kana muine rutendo setsanga yemhodzi yemasitadhi, hakuna chichazotadzika kwamuri, Mat. 17:20 (Ruka 17:6).
Ndakunamatirai, kuti rutendo rwenyu rwusakundikane, Ruka 22:32.
Rutendo muzita raKristu rwaita murume uyu asimbe, Mabasa 3:16.
Rutendo rwunouya nekunzwa shoko raMwari, VaR. 10:17.
Kana Kristu asinakumuka norutendo rwenyu nderwe pasina, Ⅰ VaKori. 15:14.
Rutendo rwunoshanda nerudo, VaG. 5:6.
Nenyasha makaponeswa kuburikidza nerutendo, VaE. 2:8 (2 Ni. 25:23).
Torai nhowo yerutendo, VaE. 6:16 (D&Z 27:17).
Ndapedza basa rangu, ndakachengetedza rutendo, Ⅱ Tim. 4:7.
Rutendo ndirwo musimboti wezvinhu zvatinotarisira, VaH. 11:1.
Pasina rutendo zvakaoma kumufadza, VaH. 11:6.
Rutendo, kana rwusina mabasa, rwakafa, Jkb. 2:17–18, 22.

Ndichaenda ndonoita zvinhu izvo Ishe vataura, 1 Ni. 3:7.
Ishe anokwanisa kuitira zvose zvinhu vana vavanhu, kana vaine rutendo maari, 1 Ni. 7:12.
Minongedzo muRiahona yaisevenza maererano norutendo, 1 Ni. 16:28.
Tendeukai, mubhabhatidzwe muzita ravo, muine rutendo rwakakwana muMutsvene Mumwe, 2 Ni. 9:23.
Kristu anoshanda zvishamiso zvikuru-kuru pakati pevana vevanhu maererano norutendo rwavo, 2 Ni. 26:13 (Eta 12:12; Moro. 7:27–29, 34–38).
Zvitadzo zvaEnoshi zvakaregererwa pamusana perutendo rwake muna Kristu, Eno. 1:3–8.
Ruponeso haruuye kune vakadaro kunze kwekuburikidza nerutendo muna Ishe Jesu Kristu, Mosaya 3:12.
Mwoyo inopindurwa kuburikidza nerutendo muzita ravo, Mosaya 5:7.
Minamato yevaranda vaMwari inopindurwa maererano nerutendo rwavo, Mosaya 27:14.
Tipei simba maererano nerutendo rwedu muna Kristu, Aru. 14:26.
Daidzai zita raMwari murutendo, Aru. 22:16.
Rutendo hakuzi kuva neruzivo rwakakwana rwezvinhu, Aru. 32:21 (Eta 12:6).
Parinotanga kufuta kana naizvozvo risimbisei nerutendo rwenyu, Aru. 33:23 (Aru. 32:28).
Kuchengetedzwa kwavo kwakabva kusimba rezvishamiso raMwari pamusana pekukura kwerutendo rwavo, Aru. 57:25–27.
Vose vachatarisa kuMwanakomana waMwari norutendo vangapone, Hir. 8:15.
Ndinoona kuti rutendo rwako rwakakwana zvekuti ndinofanira kukurapa, 3 Ni. 17:8.
Rutendo zvinhu zvinotarisirwa zvisingaonekwe, Eta 12:6.
Vose avo vakaita zvishamiso vakazviita nerutendo, Eta 12:12–18.
Kana vaine rutendo mandiri, ndipo pandichaita zvinhu zvakarenda zvive nesimba kwavari, Eta 12:27–28, 37.
Mormoni akadzidzisa nezverutendo, ruvimbo, nerudo, Moro. 7.
Chose chinhu zvacho chamuchakumbira kuna Baba muzita rangu, chiri chakanaka, murutendo muchidaira kuti muchagashira, tarisai, chichaitwa kwamuri, Moro. 7:26.
Avo vane rutendo muna Kristu vachabatirira pane chinhu chose chakanaka, Moro. 7:28.
Kana mukakumbira, muine rutendo muna Kristu, vacharatidza chokwadi, Moro. 10:4.

Pasina rutendo hapana chamungaite; saka kumbirai murutendo, D&Z 8:10.
Chinofanira kupiwa kwavari maererano nerutendo rwavo muminamato yavo, D&Z 10:47, 52.
Vose vanhu vakafanira kushingirira murutendo muzita rake kusvika kumagumo, D&Z 20:25, 29.
Kunatswa kuburikidza nenyasha dzaKristu kwakarurama uye kuri pachokwadi, D&Z 20:30.
Mweya uchapiwa kwamuri nemunamato werutendo, D&Z 42:14.
Rutendo harwuuye nezviratidzo, asi zviratidzo zvinotevera avo vanodaira, D&Z 63:9–12.
Vabereki vanofanira kudzidzisa vana rutendo muna Kristu, D&Z 68:25.
Tsvakai kudzidza, kana nokuverenga uyewo nerutendo, D&Z 88:118.