1 ^aNzira ^byemagosa nevapirisita vavo pakupa nyama neropa raKristu muchechi; ^cvaipa maererano nemurairo waKristu; nokudaro tinoziva kuti nzira iyi ndeye chokwadi; uye gosa kana mupirisita ndiye aipa—

2 Uye vaipfugama vose nechechi, vachinamata kuna Baba muzita raKristu, vachiti:

3 Mwari Baba Vokusingaperi, tinokukumbirai muzita reMwanakomana wenyu, Jesu Kristu, kuti muropafadze nekutsvenesa ^achingwa ichi kumweya yeavo vose vanochidya; kuti vagochidya ^bmukurangarira muviri weMwanakomana wenyu, uye vapupure kwamuri, Mwari Baba Vokusingaperi, kuti vanoda kutora pavari ^czita reMwanakomana wenyu, nokumurangarira nguva dzose, nokuchengeta mirairo yake iyo yaakavapa, kuti vave ^dneMweya wake nguva dzose. Ameni.