Ukholo

Yiqholo entweni noma kumuntu. Njengokusetshenziswa njalo emibhalweni engcwele, ukholo yiqholo futhi nethemba kuJesu Kristu eliholela umuntu ukuba amlalele. Ukholo kufanele lugxile kuJesu Kristu ukuze luholele umuntu ensindisweni. Abangcwele beziNsuku zokuGcina banokholo futhi kuNkulunkulu uBaba, uMoya oNgcwele, amandla obuphristi, nezinye futhi izinxenye zevangeli elibuyiselwe.

Ukholo luhlanganisa ithemba ezintweni ezingabonwayo, kodwa eziliqiniso (Heb. 11:1; Alima 32:21; Etere 12:6). Ukholo luphembeka ngokuzwa ivangeli lifundiswa ngabaphathi abagunyaziwe abathunyelwe nguNkulunkulu (Roma 10:14–17). Izimangaliso aziluvezi ukholo, kodwa ukholo olunamandla lukhuliswa wukuhlonipha ivangeli likaJesu Kristu. Ngamanye amagama, ukholo luza ngokulunga (Alima 32:40–43; Etere 12:4, 6, 12; Mf&V 63:9–12).

Ukholo lwangempela luletha izimangaliso, imibono, amaphupho, ukwelashwa, futhi nazo zonke izipho zikaNkulunkulu azipha abaNgcwele Bakhe. Ngokholo umuntu uthola ukususwa kwezono futhi ekugcineni uyakwazi ukuhlala lapho kukhona khona uNkulunkulu. Ukungabi bikho kokholo kuholela umuntu ukuba aphelelwe yithemba ngenxa yobubi (Moro. 10:22).

Ukholo lwakho lukusindisile, Math. 9:22 (Marku 5:34; Luka 7:50).
Makwenzeke kini njengokukholwa kwenu, Math. 9:29.
Uma ninokholo olunjengembewu yesinaphi, akukho okungenakwenzeka kini, Math. 17:20 (Luka 17:6).
Ngikukhulekele, ukuba ukholo lwakho lungapheli, Luka 22:32.
Ukholo egameni likaKristu lwenze lendoda iqine, IzE. 3:16.
Ukholo luza ngokuzwa izwi likaNkulunkulu, Roma 10:17.
Uma uKristu engavukanga ukholo kwenu luyize, Ⅰ Kor. 15:14.
Ukholo lusebenza ngothando, Gal. 5:6.
Ngomusa nisindisiwe ngokukholwa, Ef. 2:8 (2 Nefi 25:23).
Thatha isihlangu sokholo, Ef. 6:16 (Mf&V 27:17).
Ngiliqedile ibanga, ngilugcinile ukholo, Ⅱ Thim. 4:7.
Ukholo wukuqiniseka ngezinto ezithenjwayo, Heb. 11:1.
Ngaphandle kokholo akwenzeki ukumthokozisa, Heb. 11:6.
Ukholo, uma lungenayo imisebenzi, lufile, Jak. 2:17–18, 22.

Ngizohamba ngiyokwenza izinto iNkosi eyale ngazo, 1 Nefi 3:7.
INkosi iyakwazi ukwenzela abantwana babantu zonke izinto, uma beba nokholo kuyo, 1 Nefi 7:12.
Izinkomba zeLiyahona zazisebenza ngokokholo, 1 Nefi 16:28.
Phendukani, futhi nibhabhadiswe egameni lakhe, ninokholo olupheleleyo koNgcwele, 2 Nefi 9:23.
UKristu wenza izimangaliso ezinamandla phakathi kwabantwana babantu ngokokholo lwabo, 2 Nefi 26:13 (Etere 12:12; Moro. 7:27–29, 34–38).
Izono zika-Enoshe zathethelelwa ngenxa yokholo lwakhe kuKristu, Enoshe 1:3–8.
Insindiso kayizi nakoyedwa onjalo ngaphandle kube ngokholo eNkosini uJesu Kristu, Mosiya 3:12.
Izinhliziyo ziyaguquka ngokholo egameni lakhe, Mosiya 5:7.
Imikhuleko yezinceku zikaNkulunkulu iphendulwa ngokokholo lwazo, Mosiya 27:14.
Sinike amandla ngokokholo lwethu olukuKristu, Alima 14:26.
Biza igama likaNkulunkulu ngokholo, Alima 22:16.
Ukholo akusikho ukuba nolwazi olupheleleyo lwezinto, Alima 32:21 (Etere 12:6).
Ngesikhathi liqala ukukhula ngokunjalo londleni ngokholo lwenu, Alima 33:23 (Alima 32:28).
Ukuvikelwa kwabo kwathiwa kwakwenziwe ngamandla amangalisayo kaNkulunkulu ngenxa yokholo lwabo olukhulu, Alima 57:25–27.
Abaningi okwakufanele babheke eNdodaneni kaNkulunkulu ngokholo babezophila, Hel. 8:15.
Ngiyabona ukuthi ukholo lwenu lwanele ukuba nginiphilise, 3 Nefi 17:8.
Ukholo yizinto ezethenjwayo futhi ezingabonakali, Etere 12:6.
Bonke labo ababenza izimangaliso babezenza ngokholo, Etere 12:12–18.
Uma benokholo kimi, ngizobe sengenza izinto ezibuthakathaka zibe namandla kubo, Etere 12:27–28, 37.
UMormoni wafundisa ngokholo, ithemba, kanye nangesihe, Moro. 7.
Noma yini eniyoyicela kuBaba egameni lami, enhle, ngokholo nikholwa wukuthi niyoyithola, bhekani, niyokwenzelwa yona, Moro. 7:26.
Labo abanokholo kuKristu bazonamathela kuzo zonke izinto ezinhle, Moro. 7:28.
Uma niyocela, ninokholo kuKristu, uzobonakalisa iqiniso, Moro. 10:4.

Ngaphandle kokukholwa ungeke wenze lutho; ngakho-ke cela ngokukholwa, Mf&V 8:10.
Ngizobapha ngokokholo lwabo emikhulekweni yabo, Mf&V 10:47, 52.
Bonke abantu kufanele babekezele ekukholweni egameni lakhe kuze kube sekupheleni, Mf&V 20:25, 29.
UMoya uyonikwa kini ngomkhuleko wokukholwa, Mf&V 42:14.
Ukukholwa akubi khona ngezibonakaliso, kodwa izibonakaliso zilandela labo abakholwayo, Mf&V 63:9–12.
Abazali kufanele bafundise abantwana ukukholwa kuKristu, Mf&V 68:25.
Funani ukufunda, ngisho ngokufunda okujulile futhi nangokukholwa, Mf&V 88:118.