Adamu

Ngumuntu wokuqala owadalwa emhlabeni.

U-Adamu ungubaba futhi ungumphatriyakhe wabantu bonke emhlabeni. Isiphambeko sakhe eNsimini yase-Edene (Gen. 3; Mf&V 29:40–42; Mose 4) sabangela ukuba “awe” futhi abe ngofayo, okuyisimo esidingekayo ukuze abantu baqhubekele phambili kulomhlaba (2 Nefi 2:14–29; Alima 12:21–26). Ngakho-ke u-Adamu no-Eva kufanele bahlonishwe ngendima yabo ekwenzeni ukukhula kwethu kwaphakade ukuba kwenzeke. U-Adamu ungomDala weziNsuku futhi waziwa ngokuthi unguMikayeli (Dan. 7; Mf&V 27:11; 107:53–54; 116; 138:38). Uyingelosi enkulu (Mf&V 107:54) futhi uzobuya futhi emhlabeni njengomphatriyakhe wabantu bonke (Mf&V 116).

UNkulunkulu wadala umuntu ngomfanekiso wakhe, Gen. 1:26–28 (Mose 2:26–28; Abr. 4:26–28).
UNkulunkulu wanika umuntu ukuba abuse phezu kwazo zonke izinto futhi wamyala ukuba ande futhi angcwalise umhlaba, Gen. 1:28–31 (Mose 2:28–31; Abr. 4:28–31).
UNkulunkulu wabeka u-Adamu kanye no-Eva eNsimini yase-Edene futhi wabenqabela ukuba badle emuthini wokwazi okuhle nokubi, Gen. 2:7–9, 15–17 (Mose 3:7–9, 15–17; Abr. 5:7–13).
U-Adamu waziqamba zonke izilwane eziphilayo, Gen. 2:19–20 (Mose 3:19–20; Abr. 5:20–21).
U-Adamu kanye no-Eva bashadiswa nguNkulunkulu, Gen. 2:18–25 (Mose 3:18–25; Abr. 5:14–21).
U-Adamu kanye no-Eva balingwa nguSathane, badla isithelo esenqatshelwe, futhi bakhishwa eNsimini yase-Edene, Gen. 3 (Mose 4).
U-Adamu wayeneminyaka yobudala engamakhulu ayisishiyagalolunye namashumi amathathu ngesikhathi efa, Gen. 5:5 (Mose 6:12).