Jehova
Yigama lesivumelwano noma lakhe uqobo uNkulunkulu wakwa-Israyeli. Lisho “uNginguye waphakade” (Eks. 3:14; Joh. 8:58). UJehova nguJesu Kristu wasempilweni eyandulela eyasemhlabeni futhi weza emhlabeni njengendodana kaMariya (Mosiya 3:8; 15:1; 3 Nefi 15:1–5). Ngokuvamile, uma igama elithi Nkosi livela eTestamenteni eliDala, lisho “uJehova.”
UJehova nguKristu
UJehova wayaziwa ngabaphrofethi basendulo (Eks. 6:3; Abr. 1:16). UmPhostoli uPawulu wafundisa ukuthi uKristu kwakunguJehova waseTestamenteni eliDala (Eks. 17:6; Ⅰ Kor. 10:1–4). Umfowabo kaJarede eNcwadini kaMormoni wambona uKristu wasempilweni eyandulela eyasemhlabeni futhi wamkhonza (Etere 3:13–15). UMoroni naye wambiza uKristu “ngoJehova” (Moro. 10:34). EThempelini laseKirtland, uJoseph Smith kanye no-Oliver Cowdery babona uJehova ovusiweyo (Mf&V 110:3–4).