IziKronike
Yizincwadi ezimbili eTestamenteni eliDala. Zinika umlando omufishane wezehlakalo kusuka ekuDalweni kuya esimemezelweni sikaKoresi evumela amaJuda ukuba abuyele eJerusalema.
IziKronike zokuQala
Izahluko 1–9 zinika uhide lwezizukulwane kusuka ku-Adamu kuya kuSawule. Isahluko 10 siloba umlando ngokufa kukaSawule. Izahluko 11–22 zilandisa ngezehlakalo ezihlangene nokubusa kukaDavide. Izahluko 23–27 ziyachaza ukuthi uSolomoni wenziwa inkosi futhi nokuthi amaLevi ahlelwa. Isahluko 28 siyachaza ukuthi uDavide wayala uSolomoni ukuba akhe ithempeli. Isahluko 29 sibhale ngokufa kukaDavide.
IziKronike zesiBili
Izahluko 1–9 zilandisa ngezehlakalo ezihlangene nokubusa kukaSolomoni. Izahluko 10–12 zikhuluma ngokubusa kwendodana kaSolomoni uRehobowamu, mhla umbuso ohlangene wakwa-Israyeli wehlukana uba wumbuso wasenyakatho kanye nombuso waseningizimu. Izahluko 13–36 zichaza ngokubusa kwamakhosi ahlukene kuze kube wukuthunjwa kombuso wakwaJuda nguNebukadinesari. Incwadi iphetha ngesimemezelo sikaKoresi sokuthi abantwana abathunjiweyo bakwaJuda babengabuyela eJerusalema.