UmPhostoli

EsiGrikini, umPhostoli usho ukuthi “lowo othunyelwe.” Kwakuyibizo uJesu alinika abaliShumi namBili abakhetha futhi wabagcoba ukuba babe ngabafundi nabasizi Bakhe abaseduze naye ngesikhathi sobufundisi Bakhe emhlabeni (Luka 6:13; Joh. 15:16). Wabathumela ukuba bammele futhi bambhekele emuva kokweNyukela Kwakhe ezulwini. Emandulo futhi nakumGwamanda wabaPhostoli abaliShumi namBili eBandleni eselibuyiselwe namhlanje, umPhostoli ungufakazi okhethiweyo kaJesu Kristu emhlabeni wonke ukuze afakaze ngobunkulunkulu Bakhe futhi nangokuvuka Kwakhe kwabafileyo (IzE. 1:22; Mf&V 107:23).

Labo abawanganaki amazwi abaphrofethi nabaPhostoli bayosuswa, Mf&V 1:14 (3 Nefi 12:1).
Ukubizwa kanye nomsebenzi wokufundisa ivangeli wabayiShumi namBili kwembulwa, Mf&V 18:26–36.
UJoseph wagcotshwa waba ngumPhostoli, Mf&V 20:2; 21:1.
AbaPhostoli bangofakazi abakhethekile begama likaKristu futhi banezikhiye zalobu bufundisi, Mf&V 27:12 (Mf&V 112:30–32).
AbaPhostoli abayiShumi namBili benza umgwamanda olinganayo ngegunya nobuMongameli bokuQala, Mf&V 107:23–24.
AbayiShumi namBili bawumKhandlu omKhulu wabeNgamelayo wabaHambayo, Mf&V 107:33.
AbaPhostoli baphethe izikhiye zomsebenzi wokushumayela ivangeli, Mf&V 107:35.
Eminye yemisebenzi yabaPhostoli iyachazwa, Mf&V 107:58.
Ngithi kubo bonke abaliShumi namBili: ngilandeleni futhi niphe izimvu zami, Mf&V 112:14–15.

Ukukhethwa kwabaPhostoli

AbaPhostoli bakhethwa yiNkosi (Joh. 6:70; 15:16).