Pawulos

NguMpostile kwiTestamente eNtsha. Igama likaPawulos lesiHebhere nguSawule, kwaye wahamba ngeli gama kwade kwasekuqalekeni komsebenzi wakhe eziNtlangeni. Wayethe ngaphambili watshutshisa iBandla kodwa waguqulelwa enyanisweni yalo emva kokubona umbono kaYesu Krestu. UPawulos waya kwihambo ezintathu zobufundisi ezinkulu kwaye wabhala iincwadi ezininzi eziya kwabaNgcwele. Ezilishumi elinesine zezi ncwadi zenza inxenye yeTestamente eNtsha namhlanje. Ekugqibeleni wathathwa njengebanjwa wasiwa eRoma waza wabulawa, mhlawumbi ngentwasahlobo ya-65 E.K.

Wavumela ukuxulutywa kukaStefano, Izenzo 7:57–8:1.
Watshutshisa abaNgcwele, Izenzo 8:3.
Wayehamba esiya eDamasko xa uYesu wabonakalayo kuye, Izenzo 9:1–9.
Wabhaptiza uHananiya, Izenzo 9:10–18.
Emva kokuphumla kwelaseArabhi, wabuyela eDamasko ukuya kushumayela, Izenzo 9:19–25 (Gal. 1:17).
Iminyaka emithathu emva kokuguqulwa kwakhe, wabuyela eYerusalem, Izenzo 9:26–30 (Gal. 1:18–19).
Waya kwiihambo ezintathu zobufundisi eshumayela ivangeli nokumisela amasebe eBandla kwiindawo ezahlukeneyo zoBukumkani bamaRoma, Izenzo 13:1–14:26; 15:36–18:22; 18:23–21:15.
Xa wabuyela eYerusalem emva komsebenzi wakhe wesithathu, wabanjwa waza wathunyelwa eKesareya, Izenzo 21:7–23:35.
Wahlala elibanjwa eKesareya iminyaka emibini, Izenzo 24:1–26:32.
Wathunyelwa eRoma etyaleni waza wabandezeleka kukuqhekeka kwenqanawa endleleni, Izenzo 27:1–28:11.