Nifayi, unyana kaLihayi

KwiNcwadi kaMormoni, unyana olungileyo kaLihayi noSaraya (1 Nif. 1:1–4; 2:5). UNifayi wayenokholo olomeleleyo elizwini likaThixo (1 Nif. 3:7) kwaye waba ngumprofeti omkhulu, umgcini zimbali, nenkokeli yabantu.

Wayethobekile kwaye wathandaza ngokholo, 1 Nif. 2:16.
Wabuyela eYerusalem ukuya kuthatha amacwecwe obhedu, 1 Nif. 3–4.
Wabuyela eYerusalem ekubeni azise usapho luka-Ishmayeli entlango, 1 Nif. 7.
Wafumana umbono ofanayo nalowo uLihayi wawufumanayo, 1 Nif. 10:17–22; 11.
Wabona embonweni kamva labantu bakhe nokubuyiselwa kwevangeli, 1 Nif. 12–13.
Watyhila umbono womthi wobomi, 1 Nif. 15:21–36.
Waphula utolo lwakhe kodwa ngokholo waba nako ukuzuza ukutya, 1 Nif. 16:18–32.
Wakha inqanawa kwaye wahamba waya kwilizwe lesithembiso, 1 Nif. 17–18.
AmaNifayithi namaLeymenayithi ohlukana, 2 Nif. 5.
Wanika ubungqina lokugqibela, 2 Nif. 33.

Incwadi ka-1 Nifayi

Izahluko 1 ukuya 18:8 zithetha ngokugqithisileyo ngomprofeti uLihayi nosapho lwakhe beshiya iYerusalem. Bahamba kwiintlango ezingumqwebedu bada baya kufika elwandle. 1 Nifayi 18:9–23 ubalisa ngohambo ngenqanawa lwabo ukuya kwilizwe elizithembiso, njengoko kwalathwe yiNkosi, nangona kwakukho uvukelo lukaLeymeni noLemuweli. Izahluko 19–22 zibalisa ngenjongo kaNifayi yokugcina iimbali (1 Nif. 6; 19:18)—ukuthundeza bonke bakhumbule iNkosi uMkhululi wabo. Wacaphula uIsaya (1 Nif. 20–21) nokutyhila imiyalezo kaIsaya, ngethemba lokoba bonke banokuza ekumazini uYesu Krestu njengoMsindisi noMkhululi wabo (1 Nif. 22:12).

Incwadi ka-2 Nifayi

Izahluko 1–4 ziqulathe ezinye zeemfundiso zokugqibela zikaLihayi neziprofetho phambi kokufa kwakhe, zibandakanya neentsikelelo koonyana bakhe nenzala yabo. Isahluko 5 sichaza ukuba kwakutheni amaNifayithi azohlulayo kumaLeymenayithi. AmaNifayithi akha itempile, afundisa umthetho kaMoses, kwaye agcina iimbali. Izahluko 6–10 ziqulathe amazwi kaYakobi, umninawe kaNifayi. UYakobi wahlaziya imbali kaYuda kwaye waprofetha ngoMesiya, ezinye zazo zazithathwe kwimibhalo yomprofeti uIsaya. Izahluko 11–33 uNifayi wabhala ubungqina bakhe ngoKrestu, ubungqina bakaYakobi, buprofetha ngemihla yokugqibela, nezahluko ezahlukeneyo ezivela kwincwadi yeTestamente eNdala kaIsaya.