Mariya, unina kaYesu Khangela kanjalo Yesu Krestu; Yosefu, umyeni kaMariya KwiTestamente eNtsha, yintombi engazani nandoda enyulwe nguThixo uYise ibe ngunina woNyana Wakhe enyameni. Emva kokuzalwa kukaYesu, uMariya waba nabanye abantwana (Marko 6:3). Wayeganelwe uYosefu, Mat. 1:18 (Luka 1:27). UYosefu waxelelwa ukuba angaqhawuli mtshato noMariya okanye amkhulule ekuganweni, Mat. 1:18–25. Izazi zatyelela uMariya, Mat. 2:11. UMariya noYosefu basabela eYiputa nomntwana uYesu, Mat. 2:13–14. Emva kokufa kukaHerode, usapho lwabuyela eNazarete, Mat. 2:19–23. Ingelosi uGabriyeli yamtyelela, Luka 1:26–38. Watyelela uElizabhete, umza wakhe, Luka 1:36, 40–45. UMariya wanika indumiso yombongo eNkosini, Luka 1:46–55. UMariya waya eBhetelehem noYosefu, Luka 2:4–5. UMariya wazala uYesu waza wamlalisa emkhumbini, Luka 2:7. Abelusi baya eBhetelehem ukuya kutyelela uKrestu umntwana, Luka 2:16–20. UMariya noYosefu bathabatha uYesu bamsa etempileni eYerusalem, Luka 2:21–38. UMariya noYosefu bathabatha uYesu baya kwiPasika, Luka 2:41–52. UMariya wayesemsithweni eKana, Yoh. 2:2–5. UMsindisi, xa wayesemnqamlezweni, wacela uYohane akhathalele unina, Yoh. 19:25–27. UMariya wayekunye naBapostile emva kokuba uKrestu wayethatyathelwe emazulwini, Izenzo 1:14. UMariya wayeyintombi engazani nandoda, emhle ngokugqithisileyo kwaye emhlophe engaphezu kwazo zonke iintombi ezingazananga nandoda, 1 Nif. 11:13–20. Unina kaKrestu kwakuza kuthiwa nguMariya, Moz. 3:8. UMariya wayeya kuba yintombi engazani nandoda, isitya esixabisekileyo nesonyuliweyo, Alma 7:10.